વિષ્ણુ પુરાણ · અધ્યાય 1.16

ઇતિશ્રીવિષ્ણુપુરાણે પ્રથમે ઽંશે પઞ્ચદશો ઽધ્યાયઃ (15)
શ્રીમૈત્રેય ઉવાચ
કથિતો ભવતા વંશો માનવાનાં મહાત્મનામ્ ।
કારણં ચાસ્ય જગતો વિષ્ણુરેવ સનાતનઃ

યત્ત્વેતદ્ભગવાનાહ પ્રહ્લાદં દૈત્યસત્તમમ્ ।
દદાહ નાગ્નિર્નાસ્ત્રૈશ્ ચ ક્ષુણ્ણસ્તત્યાજ જીવિતમ્

જગામ વસુધા ક્ષોભં યત્રાબ્ધિસલિલે સ્થિતે ।
પાશૌર્બદ્ધે વિચલતિ વિક્ષિપ્તાઙ્ગૈઃ સમાહતા

શૈલૈર્ આક્રાન્તદેહોપિ ન મમાર ચ યઃ પુરા ।
ત્વાય ચાતીવ માહાત્મ્યં કથિતં યસ્ય ધીમતઃ

તસ્ય પ્રભાવમતુલં વિષ્ણોર્ભક્તિમતો મુને ।
શ્રોતુમિચ્છામિ યસ્યૈતચ્ચરિતં દીપ્તતેજસઃ

કિંનિમિત્તમસૌ શસ્ત્રૈર્ વિક્ષિપ્તો દિતિજેમુન ।
કિમર્થં ચાબ્ધિસલિલે વિક્ષિપ્તો ધર્મતત્પરઃ

આક્રાન્તઃ પર્વતૈઃ કસ્માદ્દષ્ટશ્ચૈવ મહોરગૈઃ ।
ક્ષિપ્તઃ કિમદ્રિશિખરાક્તિં વા પાવકસઞ્ચયે

દિગ્દન્તિનાં દન્તભૂમિં સ ચ કસ્માન્નિરૂપિતઃ ।
સશોષકોનિલશ્ચાસ્ય પ્રયુક્તઃ કિં મહાસુરૈઃ

કૃત્યાં ચ દૈત્યગુરવો યુયુજુસ્ તત્ર કિં મુને ।
શમ્બરશ્ચાપિ માયાનાં સહસ્રં કિં પ્રયુક્તાવાન્

હાલાહલં વિષમહો દૈત્યસૂદૈર્ મહાત્મનઃ ।
કસ્માદ્દત્તં વિનાશાય યજ્જીર્ણં તેન ધીમતા

એતત્સર્વં મહાભાગ પ્રહ્લાદસ્ય મહાત્મનઃ ।
ચરિતં શ્રોતુમિચ્છામિ મહામાહાત્મ્યસૂચકમ્

ન હિ કૌતૂહલં તત્ર યદ્દૈત્યૌર્નિહતો હિ સઃ ।
અનન્યમનસો વિષ્ણો કઃ સમર્થો નિપાતને

તસ્મિન્ધર્મપરેનિત્યં કેશવારાધનોદ્યતે ।
સ્વવંશપ્રભવૈર્ દૈત્યૈઃ કૃતો દ્વેષોતિદુપ્કરઃ

ધર્માત્મનિ મહાભાગો વિષ્ણુભક્તે વિમત્સરે ।
દૈતયૈઃ પ્રહૃતં કસ્માત્તન્મમાખ્યાતુમર્હસિ

પ્રહરન્તિ મહાત્માનો વિપક્ષા અપિ નેદ્દશે ।
ગુણૈઃ સમન્વિતે સાધૌ કિં પુનર્યઃ સ્વપક્ષજઃ

તદેતત્કથ્યતાં સર્વં વિસ્તરાન્મુનિપુઙ્ગવ ।
દૈત્યેશ્વરસ્ય ચારિતં શ્રોતુમિચ્છામ્યશેષતઃ