Vigrahavyāvartanī (another edition) · Verses 42-61

anapekṣya hi prameyānarthān yadi te pramāṇasiddhiḥ /
bhavati na bhavati kasyacidevamimāni pramāṇāni

atha matamapekṣya siddhisteṣāmityatra ko doṣaḥ /
siddhasya sādhanaṃ syānnāsiddho 'pekṣate hyanyat

sidhyanti hi prameyāṇyapekṣya yadi sarvathā pramāṇāni /
bhavati prameyasiddhiranapekṣyaiva pramāṇāni

yadi ca prameyasiddhiranapekṣyaiva bhavati pramāṇāni /
kiṃ te pramāṇasiddhyā tāni yadarthaṃ prasiddhaṃ tat

atha tu pramāṇasiddhirbhavatyapekṣyaiva te prameyāṇi /
vyatyaya evaṃ sati te dhruvaṃ pramāṇaprameyāṇām

atha tai pramāṇasiddhyā prameyasiddhiḥ prameyasiddhyā cā
bhavati pramāṇasiddhirnāstyubhayasyāpi te siddhiḥ

sidhyanti hi pramāṇairyadi prameyāṇi tāni taireva /
sādhyāni ca prameyaistāni kathaṃ sādhayiṣyanti

sidhyanti ca prameyairyadi pramāṇāni tāni taireva /
sādhyāni ca prameyaistāni kathaṃ sādhayiṣyanti

pitrā yadyutpādyaḥ putro yadi tena caiva putreṇa /
utpādyaḥ sa yadi pitā vada tatrotpādayati kaḥ kam

kaśca pitā kaḥ putrastatra tvaṃ brūhi tāvubhāvapi ca /
pitāputralakṣaṇadharau yato naḥ putrasaṃdehaḥ

naiva svataḥprasiddhirna parasparataḥ pramāṇairvā /
bhavati na ca prameyairna cāpyakasmāt pramāṇānām

kuśalānāṃ dharmāṇāṃ dharmāvasthāvidho brūvate yat /
kuśalasvabhāvamevaṃ pravibhāgenābhidheyaḥ syāt

yadi ca pratītya kuśalaḥ svabhāva utpadyate sa kuśalānām /
dharmāṇāṃ parabhāvaḥ svabhāva evaṃ kathaṃ bhavati

atha na pratītya kiṃcit svabhāva utpadyate sa kuśalānām /
dharmāṇāmevaṃ syāda vāso na brahmacaryasya

nādharmo dharmo vā saṃvyavahārāśca laukikā na syuḥ /
nityāśca sarvabhāvāḥ syurnityatvādahetumataḥ

eṣa cākuśaleḥvavyākṛteḥu nairyāṇādiḥu ca doḥaḥ /
tasmāt sarvaṃ saṃskṛtamasaṃskṛtaṃ te bhavatyevam

yaḥ sadbhūtaṃ nāma brūyāt sa svabhāva ityevam /
bhavatā prativaktavyo nāma brūmaśca na vyaṃ sat

nāmāsaditi ca yadidaṃ tatkiṃ nu sato bhavatyutāsataḥ /
yadi hi sato yadyasato dvidhāpi te hīyate vādaḥ

sarveṣāṃ bhāvānāṃ śūnyatvaṃ copapāditaṃ pūrvam /
sa upālambhastasmād bhavatyayaṃ ca pratijñāyāḥ

atha vidyate svabhāvaḥ sa ca dharmāṇāṃ na vidyata iti /
idamāśaṅkitaṃ yaduktaṃ bhavatyanāśaṅkitaṃ tacca