Varaha Purana · Chapter 133

atha pūjāsāmayikagudaravapurīṣotsarjanayoḥ prāyaścittam //
śrīvarāha uvāca //
spṛśamānena māṃ bhūme vātakarma pramucyate //
evañca puruṣo yukto vāyupīḍitamānasaḥ

makṣikā pañca varṣāṇi trīṇi varṣāṇi mūṣakaḥ //
śvā caiva trīṇi varṣāṇi kūrmo vai jāyate nava

eṣa vai tāpanaṃ devi mohanaṃ mama sāṃpratam //
yo vai śāstraṃ vijānāti mama karmaparāyaṇaḥ

śrutvā vākyaṃ hṛṣīkeśaṃ pratyuvāca vasundharā //
dharaṇyuvāca //
atulaṃ labhate pāpaṃ tava karmaparāyaṇaḥ

tasya deva sukhārthāya viśuddhiṃ vaktumarhasi //
śrīvarāha uvāca //
śṛṇu kārtsnyena me devi kathyamānaṃ mayā'naghe

aparādhamimaṃ kṛtvā santaredyena karmaṇā //
pāvakena dinaṃ trīṇi naktāni ca punastrayaḥ

karma caivaṃ tataḥ kṛtvā sa ca me nāparādhyati //
sarvasaṅgaṃ parityajya mama lokaṃ sa gacchati

etatte kathitaṃ bhadre mahākarmāparādhinaḥ //
doṣaṃ caiva guṇaṃ caiva yattvayā paripṛcchitam

śṛṇu tattvena me bhūme kathyamānaṃ mayā'naghe //
purīṣaṃ mucyate yastu mama karma samācaran

divyavarṣasahasraṃ tu raurave narake vaset //
purīṣaṃ bhakṣayettatra mama karmaparāyaṇaḥ

prāyaścittaṃ vadāmyatra yena mucyeta kilbiṣāt //
mama karmaparibhraṣṭo vihvalenāntarātmanā

ekāṃ jalamayīṃ śayyāmekāmākāśaśāyinīm //
evaṃ kṛtvā vidhānaṃ tu so'parādhātpramucyate

etatte kathitaṃ bhadre purīṣaṃ yaḥ samutsṛjet //
madbhakteṣu viśālākṣi aparādhaviniścayaḥ

iti śrīvarāhapurāṇe pūjāsamaye gudaravapurīṣotsargayoḥ prāyaścittaṃ nāma trayastriṃśadadhikaśatatamo'dhyāyaḥ