વરાહ પુરાણ · અધ્યાય 133

અથ પૂજાસામયિકગુદરવપુરીષોત્સર્જનયોઃ પ્રાયશ્ચિત્તમ્ ॥
શ્રીવરાહ ઉવાચ ॥
સ્પૃશમાનેન માં ભૂમે વાતકર્મ પ્રમુચ્યતે ॥
એવઞ્ચ પુરુષો યુક્તો વાયુપીડિતમાનસઃ

મક્ષિકા પઞ્ચ વર્ષાણિ ત્રીણિ વર્ષાણિ મૂષકઃ ॥
શ્વા ચૈવ ત્રીણિ વર્ષાણિ કૂર્મો વૈ જાયતે નવ

એષ વૈ તાપનં દેવિ મોહનં મમ સાંપ્રતમ્ ॥
યો વૈ શાસ્ત્રં વિજાનાતિ મમ કર્મપરાયણઃ

શ્રુત્વા વાક્યં હૃષીકેશં પ્રત્યુવાચ વસુન્ધરા ॥
ધરણ્યુવાચ ॥
અતુલં લભતે પાપં તવ કર્મપરાયણઃ

તસ્ય દેવ સુખાર્થાય વિશુદ્ધિં વક્તુમર્હસિ ॥
શ્રીવરાહ ઉવાચ ॥
શૃણુ કાર્ત્સ્ન્યેન મે દેવિ કથ્યમાનં મયાઽનઘે

અપરાધમિમં કૃત્વા સન્તરેદ્યેન કર્મણા ॥
પાવકેન દિનં ત્રીણિ નક્તાનિ ચ પુનસ્ત્રયઃ

કર્મ ચૈવં તતઃ કૃત્વા સ ચ મે નાપરાધ્યતિ ॥
સર્વસઙ્ગં પરિત્યજ્ય મમ લોકં સ ગચ્છતિ

એતત્તે કથિતં ભદ્રે મહાકર્માપરાધિનઃ ॥
દોષં ચૈવ ગુણં ચૈવ યત્ત્વયા પરિપૃચ્છિતમ્

શૃણુ તત્ત્વેન મે ભૂમે કથ્યમાનં મયાઽનઘે ॥
પુરીષં મુચ્યતે યસ્તુ મમ કર્મ સમાચરન્

દિવ્યવર્ષસહસ્રં તુ રૌરવે નરકે વસેત્ ॥
પુરીષં ભક્ષયેત્તત્ર મમ કર્મપરાયણઃ

પ્રાયશ્ચિત્તં વદામ્યત્ર યેન મુચ્યેત કિલ્બિષાત્ ॥
મમ કર્મપરિભ્રષ્ટો વિહ્વલેનાન્તરાત્મના

એકાં જલમયીં શય્યામેકામાકાશશાયિનીમ્ ॥
એવં કૃત્વા વિધાનં તુ સોઽપરાધાત્પ્રમુચ્યતે

એતત્તે કથિતં ભદ્રે પુરીષં યઃ સમુત્સૃજેત્ ॥
મદ્ભક્તેષુ વિશાલાક્ષિ અપરાધવિનિશ્ચયઃ

ઇતિ શ્રીવરાહપુરાણે પૂજાસમયે ગુદરવપુરીષોત્સર્ગયોઃ પ્રાયશ્ચિત્તં નામ ત્રયસ્ત્રિંશદધિકશતતમોઽધ્યાયઃ