Vamana Purana · Chapter 35

iti śrīvāmanapurāṇe catustriṃśo 'dhyāyaḥ
brahmovāca /
paradārābhigamanaṃ pāpīyāṃsopasevanam /
pāruṣyaṃ sarvabhūtānāṃ prathamaṃ narakaṃ smṛtam

phalasteyaṃ mahāpāpaṃ phalahīnaṃ tathāṭanam /
chedanaṃ vṛkṣajātīnāṃ dvitīyaṃ narakaṃ smṛtam

varjyādānaṃ tathā duṣṭamavadhyavadhabandhanam /
vivādamarthahetūtthaṃ tṛtīyaṃ narakaṃ smṛtam

bhayadaṃ sarvasattvānāṃ bhavabhūti vināśanam /
bhraṃśanaṃ nijadharmāṇāṃ caturthaṃ narakaṃ smṛtam

māraṇaṃ mitrakauṭilyaṃ lithyābhiśapanaṃ ca yat /
miṣṭaukāśanamityuktaṃ pañcamaṃ tu nṛpācanam

yantraḥ phalādiharaṇaṃ yamanaṃ yoganāśanam /
yānayugyasya haraṇaṃ ṣaṣṭhamuktaṃ nṛpācanam

rājabhāgaharaṃ mūḍhaṃ rājajāyāniṣevaṇam /
rājye tvahitakāritvaṃ saptamaṃ nirayaṃ smṛtam

lubdhatvaṃ lolupatvaṃ ca labdhadharmārthanāśanam /
lālāsaṃkīrṇamevoktamaṣṭamaṃ narakaṃ smṛtam

viproṣyaṃ brahmaharaṇaṃ brāhmaṇānāṃ vinindanam /
virodhaṃ bandhubhiścoktaṃ navamaṃ narapācanam

śiṣṭācāravināśaṃ ca śiṣṭadveṣaṃ śiśorvadham /
śāstrasteyaṃ dharmanāśaṃ daśamaṃ parikīrtitam

ṣaḍaṅganidhanaṃ ghoraṃ ṣāṅguṇyapratiṣedhanam /
ekādaśamamevoktaṃ narakaṃ sadbhiruttamam

satsu nityaṃ sadā vairamanācāramasatkriyā /
saṃskāraparihīnatvamidaṃ dvādaśamaṃ smṛtam

hānirdharmārthakāmanāmapavargasya hāraṇam /
saṃbhedaḥ saṃvidāmetat trayodaśamamucyate

kṛpaṇaṃ dharmahīnaṃ ca yad varjyaṃ yacca vahnidam /
catudrdaśamamovoktaṃ narakaṃ tad vigarhitam

ajñānaṃ cāpyamuyatvamaśaucamaśubhāvaham /
smṛtaṃ tat pañcadaśamamastyavacanāni ca

ālasyaṃ vai ṣoḍaśamamākrośaṃ ca viśeṣataḥ /
sarvasya cātatāyitvalamāvāseṣvagnidīpanam

icchā ca paradāreṣu narakāya nigadyate /
īrṣaryābhāvaśca satyeṣu uddhṛttaṃ tu vigarhitam

etaistu pāpaiḥ puruṣaḥ punnamādyairna saṃśayaḥ /
saṃyuktaḥ prīṇayed devaṃ saṃtatyā jagataḥ patim

prītaḥ sṛṣṭyā tu śubhayā sa pāpādyena mucyate /
puṃnāmanarakaṃ ghoraṃ vināśayati sarvataḥ

etasmāt kāraṇāt sādhya sutaḥ putreti gadyate /
ataḥ paraṃ pravakṣyāmi śeṣapāpasya lakṣaṇam

ṛmaṃ devarṣibhūtānāṃ manuṣyāṇāṃ viśeṣataḥ /
pitṛṇāṃ ca dvijaśreṣṭha sarvarvaṇeṣu caikatā

oṅkārādapi nirvṛttiḥ pāpakāryakṛtaśca yaḥ /
matsyādaśca mahāpāpamagamyāgamanaṃ tathā

ghṛtādivikrayaṃ ghoraṃ caṇḍālādiparigrahaḥ /
svadoṣācchādanaṃ pāpaṃ paradoṣaprakāśanam

matsaritvaṃ vāgduṣṭatvaṃ niṣṭuratvaṃ tathā param /
ṭākitvaṃ tālavāditvaṃ nāmnā vācāpyadharmajam

dāruṇatvamadhārmikyaṃ narakāvahamucyate /
etaiśca pāpaiḥ saṃyuktaḥ prīṇayed yadi śaṅkaram

jñānādhiramaśeṣeṇa śeṣapāpaṃ jayet tataḥ /
śārīraṃ vācikaṃ yat tu mānasaṃ kāyikaṃ tathā

pitṛmātṛkṛtaṃ yacca kṛtaṃ yaccāśritairnaraiḥ /
bhrātṛbhirbāndhavaiścāpi tasmin janmani dharmaja

tatsarvaṃ vilayaṃ yāti sa dharmaḥ sutaśiṣyayoḥ /
viparīte bhavet sādhya viparītaḥ padakramaḥ

tasmāt putraśca śiṣyaśca vidhātavyau vipaścitā /
etadarthamabhidhyāya śiṣyācchreṣṭhataraḥ sutaḥ /
seṣāt tārayate śiṣyaḥ sarvato 'pi hi putrakaḥ

pulastya uvāca /
pitāmahavacaḥ śrutvā sādhyaḥ prāha tapodhanaḥ /
triḥ satyaṃ tava putro 'haṃ deva yogaṃ vadasva me

tamuvāca mahāyogī tvanmātāpirarau yadi /
dāsyete ca tataḥ sūnurdāyādo me 'si putraka

sanatkumāraḥ provāca dāyādaparikalpanā /
yeyaṃ hi bhavatā proktā tāṃ me vyākhyātumarhasi

taduktaṃ sādhyamukhyena vākyaṃ śrutvā pitāmahaḥ /
prāha prahasya bhagavān kśruṇu vatseti nārada

brahmovāca /
aurasaḥ kṣetrajaścaiva dattaḥ kṛtrima eva ca /
guḍhotpanno 'paviddhaśca dāyādā bāndhavāstu ṣaṭ

amīṣu ṣaṭpu putreṣu ṛmapiṇḍadhanakriyāḥ /
gotrasmyaṃ kule vṛttiḥ pratiṣṭha śāśvatī tathā

kānīnaśca sahoḍhaśca krītaḥ paunarbhavastathā /
svayedattaḥ pāraśavaḥ ṣaḍadāyādabandhavāḥ

amībhirṛṇapiṇḍādikathā naiveha vidyate /
nāmadhārakā eveha na gotrakulasaṃmatāḥ

tat tasya vacanaṃ śrutvā brahmaṇaḥ sanakāgrajaḥ /
uvācaiṣāṃ viśeṣaṃ me brahman vyākhyātumahasi

tato 'bravīt surapatirviśeṣaṃ śṛṇu putraka /
auraso yaḥ svayaṃ jātaḥ pratibimbamivātmanaḥ

klībonmatte vyasanini patyau tasyājñayā tu yā /
bhāryā hyanāturā putraṃ janayet kṣetrajastu saḥ

mātāpitṛbhyāṃ yo dattaḥ sa dattaḥ parigīyate /
mitraputraṃ mitradattaṃ kṛtrimaṃ prāhuruttamāḥ

na jñāyate gṛhe kena jātastviti sa gūñakaḥ /
bāhmataḥ svayamānītaḥ so 'paviddhaḥ prakīrtitaḥ

kanyājātastu kānīnaḥ sagarbhoḍhaḥ sahokaḥ /
mūlyairgṛhītaḥ krītaḥ syād dvividhaḥ syāt punarbhavaḥ

dattvaikasya ca yā kanyā hṛtvānyasya pradīyate /
tajjālastanayo jñeyo loke paunarbhavo mune

durbhikṣe vyasane cāpi yenātmā viniveditaḥ /
sa svayandatta ityustathānyaḥ kāraṇāntaraiḥ

brāhmaṇasya sutaḥ śūdrayāṃ jāyate yastu suvrata /
ūḍhāyāṃ vāpyanūḍhāyāṃ sa pāraśava ucyate

etasmāt kāraṇāt putra na svayaṃ dātumarhasi /
svamātmānaṃ gaccha śīghraṃ pitarau samupāhvaya

tataḥsa mātāpitarau sasmāra vacanād vibhoḥ /
tāvājagmaturīśānaṃ draṣṭuṃ vai dampatī mune

dharmo 'hiṃsā ca deveśaṃ praṇipatya nyaṣīdatām /
upaviṣṭau sukhāsīnau sādhyo vacanamabravīt

sanatkumāra uvāca /
yogaṃ jigamiṣustāta vrahmāṇaṃ samacūcudam /
sa coktavān māṃ putrārthe tasmāt tvaṃ dātumarhasi

tāvevamuktau putreṇa yogācāryaṃ pitāmaham /
uktavantau prabho 'yaṃ hi āvayostanayastava

adyaprabhṛtyayaṃ putrastava brahman bhaviṣyati /
ityuktvā jagmatursūrṇa yenaivābyāgatau yathā

pitāmaho 'pi taṃ putraṃ sādhyaṃ saddhinayānvitam /
sanatkumāraṃ provāca yogaṃ dvādaśapatrakam

śikhāsaṃśthaṃ tu oṅkāraṃ meṣo 'sya śirasi sthitaḥ /
māso vaiśākhanāmā ca prathamaṃ patrakaṃ smṛtam

nakāro mukhasaṃstho hi vṛṣastatra prakīrtitaḥ /
jyeṣṭhamāsāśca tatpatraṃ dvitīyaṃ parikīrtitam

mokāro bhujayoryugmaṃ mithunastatra saṃsthitaḥ /
māso āṣāḍhanāmā ca tṛtīyaṃ patrakaṃ smṛtam

bhakāraṃ netrayugalaṃ tatra karkaṭakaḥ sthitaḥ /
māsaḥ śrāvaṇa ityuktaścaturthaṃ patrakaṃ smṛtam

gakāraṃ hṛdayaṃ proktaṃ siṃho vasati tatra ca /
māso bhādrastathā proktaḥ pañcamaṃ patrakaṃ smṛtam

vakāraṃ kavacaṃ vidyāt kanyā tatra pratiṣiṭhatā /
māsaścāśvayujo nāma ṣṣṭhaṃ tat patrakaṃ smṛtam

tekāramastragrāmaṃ ca tulārāśiḥ kṛtāśrayaḥ /
māsaśca kārtiko nāma saptamaṃ patrakaṃ smṛtam

vākāraṃ nābhisaṃyuktaṃ sthitastatra tu vṛścikaḥ /
māso mārgaśiro nāma tvaṣṭamaṃ patrakaṃ smṛtam

sukāraṃ jaghanaṃ proktaṃ tatrasthaśca dhanurdharaḥ /
pauṣati gadito māso navamaṃ parikīrtitam

dekāraścoruyugalaṃ makaro 'pyatra saṃsthitaḥ /
māgho nigadito māsaḥ patrakaṃ daśamaṃ smṛtam

vākāro januyugmaṃ ca kumbhastatrādisaṃsthitaḥ /
patrakaṃ phālgunaṃ proktaṃ tadekādaśamuttamam

pādau yakāro mīno 'pi sa caitre vasate mune /
idaṃ dvādaśamaṃ proktaṃ patraṃ vai keśavasya hi

dvādaśāraṃ tathā cakraṃ ṣaṣṇābhi dviyutaṃ tathā /
trivyūhamekamūrtiśca tathoktaḥ parameśvaraḥ

etat tavoktaṃ devasya rūpaṃ dvādaśapatrakam /
yasmin jñāte muniśreṣṭha na bhūyo maraṇaṃ bhavet

dvitīyamuktaṃ sattvāḍhyaṃ caturvarṇaṃ caturmukham /
caturbāhumudārāṅgaṃ śrīvatsadharamavyayam

tṛtīyastamaso māma śeṣamūrtiḥ sahasrapāt /
sahasravadanaḥ śrīmān prajāpralayakārakaḥ

caturtho rājaso nāma raktavarṇaścaturmukhaḥ /
dvibhujo dhārayan mālaṃ sṛṣṭikṛccādipūruṣaḥ

avyāktāt mabhavantyete trayo vyaktā mahāmune /
ato marīcipramukhāstathānye 'pi sahasraśaḥ

etat tavoktaṃ munivarya rūpaṃ vibhoḥ purāṇaṃ matipuṣṭivardhanam /
cuturbhujaṃ taṃ sa mururdurātmā kṛtāntavākyāt punarāsasāda

tamāgataṃ prāha mune madhughnaḥ prāpto 'si kenāsura kāraṇena /
sa prāha yoddhuṃ saha vai tvayādya taṃ prāha bhūyaḥ suraśatruhantā

yadīha māṃ yoddhumupāgato 'si tat kampeta te hṛdayaṃ kimartham /
jvarāturasyeva muhurmuhurvai tannāsmi yotsye saha kātareṇa / /
35.74 ityevamukto madhusūdanena murustadā sve hṛdaye svahastam /
kathaṃ kva kasyeti muhustathoktvā nipātayāmāsa vipannabuddhiḥ

hariśca cakraṃ mṛdulāghavena mumoca taddhatakamalasya śatroḥ /
ciccheda devāstu gatavyathābhavan devaṃ prasaṃsanti ca padmanābham

etat tavoktaṃ muradaityanāśanaṃ kṛtaṃ hi yuktyā śitacakrapāṇinā /
ataḥ prasiddhiṃ samupājagāma murārirityeva vibhurnṛsiṃhaḥ