Vaisheshika Sutras · Chapter 9

kriyāguṇavyapadeśābhāvād asat

sad asat

asataḥ sat kriyāguṇavyapadeśābhāvād arthāntaram (śabhāvād ?)

sac cāsat

yac cānyat satas tad apy asat

asad iti bhūtapratyakṣābhāvād bhūtasmṛter virodhipratyakṣatvāc ca jñānam

tathābāve bhāvapratyakṣatvāc ca

etenāghaṭo 'gaur adharmaś ca vyākhyātaḥ

abhūtaṃ nāstīty anarthāntaram

nāsti ghaṭo geha iti sato ghaṭasya gehasaṃyogapratiṣedhaḥ

nāsty anyaś candramā iti sāmānyāc candramasaḥ pratiṣedhaḥ

sad asator vaidharmyāt kārye sad asattā na

ātmany ātmamanasoḥ saṃyogaviśeṣād ātmapratyakṣam

tathā dravyāntareṣu

ātmendriyamano'rthasannikarṣāc ca

tatsamavāyāt karmaguṇeṣu

ātmasamavāyād ātmaguṇeṣu

asyedaṃ kāryaṃ kāraṇaṃ saṃbandhy ekārhtasamavāyi virodhi ceti laiṅgikam

etena śābdaṃ vyākhyātam

hetur apadeśo liṅgaṃ nimittaṃ pramāṇaṃ kāraṇam ity anarthāntaram

asyedam iti buddhyapekṣatvāt

ātmamanasoḥ saṃyogaviśeṣāt saṃskārāc ca smṛtiḥ

tathā svapnaḥ svapnāntikaṃ ca

dharmāc ca

indriyadoṣāt saṃskārāc cāvidyā

tad duṣṭaṃ jñānam

aduṣṭaṃ vidyā

ārṣaṃ siddhadarśanaṃ ca dharmebhyaḥ