Vaisheshika Sutras · Chapter 8

dravyeṣu jñānaṃ vyākhyātam

mana ātmā ca

jñānanirdeśe jñānaniṣpattir uktā

guṇakarmasv asannikṛṣṭeṣu jñānaniṣpatter dravyaṃ kāraṇaṃ kāraṇakāraṇaṃ ca

sāmānyaviśeṣeṣu sāmānyaviśeṣābhāvāt tata eva jñānam

sāmānyaviśeṣāpekṣaṃ dravyaguṇakarmasu

dravye dravyaguṇakarmāpekṣam

guṇakarmasu guṇakarmābhāvad guṇakarmāpekṣaṃ na vidyate

samavāyinaḥ śvaityāc chvaityabuddheḥ śvete buddhis te kāryakāraṇabhūte

dravyeṣv anitaretarakāraṇāt kāraṇāyaugapadyāt

tathā dravyaguṇakarmasu kāraṇāviśeṣāt

ayam eṣa kṛtaṃ tvayā bhojayāinam iti buddhyapekṣaṃ

dṛṣṭeṣu bhāvād adṛṣṭeṣv abhāvāt

artha iti dravyaguṇakarmasu

dravyeṣu pañcātmakaṃ pratyuktam

bhūyastvād gandhavattvāc ca pṛthivī gandhajñāne

tathāpas tejo vāyuś ca rasarūpasparśajñāneṣu rasarūpasparśaviśeṣāt