Vaisheshika Sutras · Chapter 7.2

rūparasagandhasparśavyatirekād arthāntaram ekatvaṃ tathā pṛthaktvam

tayor nityatvānityatve tejaso rūpasparśābhyāṃ vyākhyāte

niṣpattiś ca

ekatvapṛthaktvayor ekatvapṛthaktvābhāvo

karmabhiḥ karmāṇi guṇair guṇāḥ

niḥsaṃkhyatvāt karmaguṇānāṃ sarvaikatvaṃ na vidyate

ekatvasyābhāvād bhāktaṃ na vidyate

kāryakāraṇaikatvapṛthaktvābhāvād ekatvapṛthaktve na vidyete

etad anityanitayor vyākhyātam

anyatarakarmaja ubhayakarmajaḥ saṃyogajaś ca saṃyogaḥ

etena vibhāgo vyākhyātaḥ

saṃyogavibhāgayoḥ saṃyogavibhāgābhāvo 'ṇutvamahattvābhyāṃ vyākhyātaḥ

karmabhiḥ karmāṇi guṇair guṇāḥ

yutasiddhyabhāvāt kāryakāraṇayoḥ saṃyogavibhāgau na vidyete

guṇatvāt

guṇe ca bhāṣyate

niṣkriyatvāt

asati nāstīti ca prayogāt

śabdārthāv asaṃbaddhau

saṃyogino daṇḍāt samavāyino viṣāṇāc ca

dṛṣṭatvād ahetuḥ pratyayaḥ

tathā pratyayābhāvaḥ

saṃbaddhasaṃbandhād iti cet sandehaḥ

sāmayikaḥ śabdād arthapratyayaḥ

ekadikkālābhyāṃ sannikṛṣṭaviprakṛṣṭābhyāṃ param aparam

kāraṇaparatvāt kāraṇāparatvāc ca

paratvāparatvayoḥ paratvāparatvābhāvo 'ṇutvamahattvābhyāṃ vyākhyātaḥ

karmabhiḥ karmāṇi guṇair guṇāḥ

iheti yataḥ kāryakāraṇayoḥ sa samavāyaḥ

dravyatvaguṇatvakarmatvapratiṣedho bhāvena vyākhyātaḥ

tattvaṃ ca