Vaisheshika Sutras · Chapter 7.1

uktā guṇāḥ

guṇalakṣaṇaṃ coktam

idam evaṃguṇam idam evaṃguṇam iti coktam

pṛthivyāṃ rūparasagandhasparśā dravyānityatvād anityāḥ

agnisaṃyogāc ca

guṇāntaraprādurbhāvāt

etena nityeṣv anityatvam uktam

apsu tejasi vāyau ca nityā dravyanityatvāt

anityeṣv anityā dravyānityatvāt

kāraṇaguṇapūrvāḥ pṛthivyāṃ pākajāś ca

apsu tejasi vāyau ca kāraṇaguṇapūrvāḥ pākajā na vidyante

aguṇavato dravyasya guṇārambhāt karmaguṇā aguṇāḥ

etena pākajā vyākhyātāḥ

ekadravyavattvāt

aṇor mahataś copalabdhyanupalabdhī nitye vyākhyāte

kāraṇabahutvāt kāraṇamahattvāt pracayaviśeṣāc ca mahat

tadviparītam aṇu

aṇu mahad iti tasmin viśeṣabhāvād viśeṣābhāvāc ca

ekakālatvāt

aṇutvamahattvayor aṇutvamahattvābhāvaḥ karmaguṇair vyākhyātaḥ

aṇutvamahattvābhyāṃ karmaguṇā aguṇāḥ

etena dīrghatvahrasvatve vyākhyāte

karmabhiḥ karmāṇi guṇair guṇāḥ

tad anitye

nityaṃ parimaṇḍalam

avidyā vidyāliṅgam

vibhavān mahān ākāśaḥ

tathā cātmā

tadabhāvād aṇu manaḥ

guṇair dig vyākhyātā

kāraṇena kālaḥ