Vaiśeṣikasūtra (another edition) · Chapter 7.2

ruparasagandhasparśavyatirekādarthāntaramekatvam

tathā pṛthaktvam

ekatvaikapṛthaktvayorekatvaikapṛthaktvābhāvo 'ṇutvamahattvābhyāṃ vyākhyātaḥ

niḥ saṃkhyatvāt karmaguṇānāṃ sarvaikatvaṃ na vidyate

bhrāntaṃ tat

ekatvābhāvādbhaktistu na vidyate

kāryakāraṇayorekatvaikapṛthaktvābhāvādekatvaikapṛthaktvaṃ na vidyate

etadanityayorvyākhyātam

anyatarakarmaja ubhakarmajaḥ saṃyogajaśca saṃyogaḥ

etena vibhāgo vyākhyātaḥ

saṃyogavibhāgayoḥ saṃyogavibhāgābhāvaḥ aṇutvamahattvābhyāṃ vyākhyātaḥ

karmabhiḥ karmāṇi guṇairguṇā aṇutva mahattvābhyāmiti

yutasiddhyabhāvāt kāryakāraṇayoḥ saṃyogavibhāgau na vidyete

guṇatvāt

guṇo 'pi vibhāvyate

niṣkriyatvāt

asati nāstīti ca prayogāt

śabdārthāvasambandhau

saṃyogino daṇḍāt samavāyino viśeṣācca

sāmayikaḥ śabdādarthapratyayaḥ

ekadikkābhyāmekakālābhyāṃ sannikṛṣṭaviprakṛṣṭābhyāṃ paramaparañca

kāraṇaparatvāt kāraṇāparatvācca

paratvāparatvayoḥ paratvāparatvābhāvo 'ṇutvamahattvābhyāṃ vyākhyātaḥ

karmabhiḥ karmāṇi

guṇairguṇāḥ

ihedamiti yataḥ kāryakāraṇayoḥ sa samavāyaḥ

tattvambhāvena