Vaiśeṣikasūtra (another edition) · Chapter 8.1

dravyeṣu jñānaṃ vyākhyātam

tatrātmā manaścāpratyakṣe

jñānanirdeśe jñānaniṣpattividhiruktaḥ

guṇakarmasu sannikṛṣṭeṣu jñānaniṣpatteḥ dravyaṃ kāraṇam

sāmānyaviśeṣeṣu sāmānyaviśeṣābhāvāt tadeva jñānam

sāmānyaviśeṣāpekṣaṃ dravyaguṇakarmasu

dravye dravyaguṇakarmāpekṣam

guṇakarmasu guṇakarmābhāvāt guṇakarmāpekṣaṃ na vidyate

samavāyinaḥ śvaityācchvaitya buddheśca śvete budviste ete kāryakāraṇabhūte

dravyeṣvanitaretarakāraṇāḥ

kāraṇāyaugapadyāt kāraṇakramācca ghaṭapaṭādibuddhīnāṃ kramo na hetuphalabhāvāt