Vaiśeṣikasūtra (another edition) · Chapter 7.1

uktā guṇāḥ

pṛthivyādi rūparasagandhasparśā dravyānityatvādanityāśca

etena nityeṣu nityatvamuktam

apsu tejasi vāyau ca nityā dravyanityavāt

anityeṣvanityā dravyānityatvāt

kāraṇaguṇapūrvakāḥ pṛthivyāṃ pākajāḥ

ekadravyatvāt

aṇormahataścopalabdhyanupalabdhī nitye vyākhyāte

kāraṇa bahutvācca

ato viparitamaṇu

aṇu mahaditi tasmin viśeṣabhāvāt viśeṣābhāvācca

ekakālatvāt

dṛṣṭāntācca

aṇutvamahattvayoraṇutvamahattvābhāvaḥ karmaguṇairvyākhyātaḥ

karmabhiḥ karmāṇi guṇaiśca guṇā vyākhyātāḥ

aṇutvamahattvābhyāṃ karmaguṇāśca vyākhyātāḥ

etena dīrghatva hrasvatve vyākhyāte

anitye 'nityam

nitye nityam

nityaṃ parimaṇḍalam

avidyā ca vidyāliṅgam

vibhavānmahānākāśaḥ tathā cātmā

tadabhāvādaṇu manaḥ

guṇairdigvyākhyātā

kāraṇena kālaḥ