Surya Siddhanta · Chapter 9

athodayastamayayoH parijñānaṃ prakīrtyate/
divākarakarākrāntamūrtinām aplatejasām//

sūryād abhyadhikāH paścād astaṃ jīvakujārjajāH/
ūnāH prāgudayaṃ yānti śukrajñau vakriṇau tathā//

ūnā vivasvataH prācyām astaṃ candrajñabhārgavāH/
vrajanty abhyadhikāH pascād udayaṃ śīghrayāyinaH//

sūryāstakālikau paścāt prācyām udayakālikau/
divā cārkagrahau kuryād dṛkkarmātha grahasya tu//

tato lagnāntaraprāṇāḥ kālāṃśāH ṣaṣṭibhājitāH/
pratīcyāṃ ṣaḍbhayutayos tadval lagnāntarāsavaH//

ekādaśāmarejyasya tithisaṅkhyārkajasya ca/
astāṃśā bhūmiputrasya daśa saptādhikās tataH//

paścād astamayo +aṣṭābhir udayaH prāṅmahattayā/
prāg astam udayaH paścād alpatvād daśabhir bhṛgoH//

evaṃ budho dvādaśabhiś caturdaśabhir aṃśakaiH/
vakrī śīghragatiś cārkāt karoty astmayodayau//

ebhyo +adhikaiH kālabhāgair dṛśyā nyūnair adarśanāH/
bhavanti loke khacarā bhānubhāgrastamūrtayaH//

tatkālāṃśāntarakalā bhuktyantaravibhājitāH/
dinādi tatphalaṃ labdhaṃ bhuktiyogena vakriṇaH//

tallagnāsuhate bhuktī aṣṭādaśaśatoddhṛte/
syātāṃ kālagatī tābhyāṃ dinādi gatagamyayoH//

svātyagastyamṛgavyādhacitrājyeṣṭhāH punarvasuH/
abhijid brahmahṛdayaṃ trayodaśabhir aṃśakaiH//

hastaśravaṇaphālgunyaH śraviṣṭā rohiṇīmaghāH/
caturdaśāṃśakair dṛśyā viśākhāśvinidaivatam//

kṛttikāmaitramūlāni sārpaṃ raudrarkṣam eva ca/
dṛśyante pañcadaśabhir āṣāḍhād dvitayaṃ tathā//

bharaṇītiṣyasaumyāni saukṣmyāt triHsaptakāṃśakaiH/
śeṣāṇi saptadaśabhir dṛśyādṛśyāni bhāni tu//

aṣṭādaśaśatābhyastā dṛśyāṃśāH svodayāsubhiH/
vibhajya labdhāH kṣetrāṃśās tair dṛśyādṛśyatāthavā//

prāg eṣām udayaH paścād asto dṛkkarma pūrvavat/
gataiṣyadivasaprāptir bhānubhuktyā sadaiva hi//

abhijid brahmahṛdayaṃ svātīvaiṣṇavavāsavāH/
ahirbudhnyam udakṣthatvān na lupyante +arkaraśmibhiH//
[candraśṛṅgonna]