Surya Siddhanta · Chapter 5

madhyalagnasame bhānau harijasya na sambhavaH/
akṣodaṅmadhyabhakrāntisāmye nāvanater api//

deśakālaviśeṣeṇa yathāvanatisambhavaH/
lambanasyāpi pūrvānyadigvaśāc ca tathocyate//

lagnaṃ parvāntanāḍīnāṃ kuryāt svair udayāsubhiH/
tajjyāntyāpakramajyāghnī lambajyāptodayābhidhā//

tadā laṅkodayair lagnaṃ madhyasaṃjñaṃ yathoditam/
tatkrāntyakṣāṃśasaṃyogo dikṣāmye +antaram anyathā//

śeṣaṃ natāṃśās tanmaurvī madhyajyā sābhidhīyate/
madhyodayajyayābhyastā trijyāptā vargitaṃ phalam//

madhyajyāvargaviśliṣṭaṃ dṛkkṣepaH śeṣataH padam/
tattrijyāvargaviśleṣān mūlaṃ śaṅkuH sa dṛggatiH//

natāṃśabāhukoṭijye +asphuṭe dṛkkṣepadṛggatī/
ekajyārdhagataś chedo labdhaṃ dṛggatijīvayā//

madhyalagnārkaviśleṣajyā chedena vibhājitā/
ravīndvor lambanaṃ jñeyaṃ prākpaścād ghaṭikādikam//

madhyalagnādhike bhānau tithyantāt praviśodhayet/
dhanam ūne +asakṛt karma yāvat sarvaṃ sthirībhavet//

dṛkkṣepaH śītatigmāṃśvor madhyabhuktyantarāhataH/
tithighnatrijyayā bhakto labdhaṃ sāvanatir bhavet//

dṛkkṣepāt saptatihṛtād bhaved vāvanatiH phalam/
athavā trijyayā bhaktāt saptasaptakasaṅguṇāt//

madhyajyādigvaśāt sā ca vijñeyā dakṣiṇottarā/
senduvikṣepadikṣāmye yuktā viśleṣitānyathā//

tayā sthitivimardārdhagrāsādyaṃ tu yathoditam/
pramāṇaṃ valanābhīṣṭagrāsādi himaraśmivat//

sthityardhonādhikāt prāgvat tithyā(?)ntalāl lambanaṃ punaH/
grāsamokṣodbhavaṃ sādhyaṃ tanmadhyaharijāntaram//

prākkapāle +adhikaṃ madhyād bhavet prāgrahaṇaṃ yadi/
maukṣikaṃ lambanaṃ hīnaṃ paścārdhe tu viparyayaH//

tadā mokṣasthitidale deyaṃ pragrahaṇe tathā/
harijāntarakaṃ śodhyaṃ yatraitat syād viparyayaH//

etad uktaṃ kapālaikye tadbhede lambanaikatā/
sve sve sthitidale yojyā vimardārdhe +api coktavat//
[chedyaka]