Surya Siddhanta · Chapter 13

atha gupte śucau deśe snātaH śucir alaṅkṛtaH/
sampūjya bhāskaraṃ bhaktyā grahān bhāny atha guhyakān//

pāramparyopadeśena yathājñānaṃ guror mukhāt/
ācāryaH śiṣyabodhārthaṃ sarvaṃ pratyakṣadarśivān//

bhūbhagolasya racanāṃ kuryād āścaryakāriṇīm/
abhīṣṭaṃ pṛthivīgolaṃ kārayitvā tu dāravam//

daṇḍaṃ tanmadhyagaṃ meror ubhayatra vinirgatam/
ādhārakakṣādvitayaṃ kakṣā vaiṣuvatī tathā//

bhagaṇāṃśāṅgulaiH kāryā dalitais tisra eva tāH/
svāhorātrārdhakarṇaiś ca tatpramāṇānumānataH//

krāntivikṣepabhāgaiś ca dalitair dakṣiṇottaraiH/
svaiH svair apakramais tisro meṣādīnām apakramāt//

kakṣāH prakalpayet tāś ca karkyādīnāṃ viparyayāt/
tadvat tisras tulādīnāṃ mṛgādīnāṃ vilomataH//

yāmyagolāśritāH kāryāH kakṣādhārād dvayor api/
yāmyodaggolasaṃsthānāṃ bhānām abhijitas tathā//

saptarṣīṇām agastyasya brahmādīnāṃ ca kalpayet/
madhye vaiṣuvatī kakṣā sarveṣām eva saṃsthitā//

tadādhārayuter ūrdhvam ayane viṣuvadvayam/
viṣuvatsthānato bhāgaiH sphuṭair bhagaṇasañcarāt//

kṣetrāṇy evam ajādīnāṃ tiryagjyābhiH prakalpayet/
ayanād ayanaṃ caiva kakṣā tiryak tathāparā//

krāntisañjñā tayā sūryaH sadā paryeti bhāsayan/
candrādyāś ca svakaiH pātair apamaṇḍalam āśritaiH//

tato +apakṛṣṭā dṛśyante vikṣepānteṣv apakramāt/
udayakṣitije lagnam astaṃ gacchac ca tadvaśāt//

laṅkodayair yathāsiddhaṃ khamadhyopari madhyamam/
madhyakṣitijayor madhye yā jyā sāntyābhidhīyate//

jñeyā caradalajyā ca viṣuvat kṣitijāntaram/
kṛtvopari svakaṃ sthānaṃ madhye kṣitijamaṇḍalam//

vastracchannaṃ bahis cāpi lokālokena veṣṭitam/
amṛtasrāvayogena kālabhramaṇasādhanam//

tuṅgabījasamāyuktaṃ golayantraṃ prasādhayet/
gopyam etat prakāśoktaṃ sarvagamyaṃ bhaved iha//

tasmād gurūpadeśena racayed golam uttamam/
yuge yuge samucchinnā racaneyaṃ vivasvataH//

prasādāt kasyacid bhūyaH prādur bhavati kāmataH/
kālasaṃsādhanārthāya tathā yantrāṇi sādhayet//

ekākī yojayed bījaṃ yantre vismayakāriṇi/
śaṅkuyaṣṭidhanuścakraiś chāyāyantrair anekadhā//

gurūpadeśād vijñeyaṃ kālajñānam atandritaiH/
toyayantrakapālādyair mayūranaravānaraiH//
sasūtrareṇugarbhaiś ca samyak kālaṃ prasādhayet//

pāradārāmbusūtrāṇi śulvatailajalāni ca/
bījāni pāṃsavas teṣu prayogās te +api durlabhāH//

tāṃrapātram adhaśchidraṃ nyastaṃ kuṇḍe +amalāmbhasi/
ṣaṣṭir majjaty ahorātre sphuṭaṃ yantraṃ kapālakam//

narayantraṃ tathā sādhu divā ca vimale ravau/
chāyāsaṃsādhanaiH proktaṃ kālasādhanam uttamam//

grahanakṣatracaritaṃ jñātvā golaṃ ca tattvataH/
grahalokam avāpnoti paryāyeṇātmavān naraH//
[māna]