Subhāṣitaratnakośa · Chapter 3

aṅgāmoda-samocchalad-ghṛṇi-patad-bhṛṅgāvalī-mālita sphūrjal-lañchana-sūtra-gumphita-milan-nīlotpala-śrīr iva
niryat-pāda-nakhonmukhāṃśu-visara-srag-danturaḥ smaryatāṃ mañjuśrīḥ sura-mukta-mañjari-śikhā-varṣair ivābhyarcitaḥ //

śastrodyad-bāhu-deha-sphurad-anala-milad-dhūma-kalpānta-puñjaḥ śṛṅgāntānanta-viśvārpita-mahiṣa-śiro-makṣikā-līvi-kalpaḥ
trāsa-tyakta-sva-parṇāstṛta-sura-ghṛṇayevālasat-pāda-vṛndas tāraugha-pluṣṭa-bhānur jagad avatu naṭad-bhairavātmā kumāraḥ //

khaḍgī sa-śabdam atha pustakavān sa-cintaṃ bālaḥ sa-khelam abhirāma-tamaḥ sa-kāmam
nānā-vidhaṃ sura-vadhūbhir itīkṣito vaḥ pāyāc ciraṃ sugata-vaṃśa-dharaḥ kumāraḥ //

mugdhāṅgulī-kiśalayāṅghri-suvarṇa-kumbha vāntena kānti-payasā dhusṛṇāruṇena
yo vandamānam abhiṣiñcati dharma-rājye jāgartu vo hita-sukhāya sa mañju-vajraḥ //

amīṣāṃ mañjuśrī-rucira-vadana-śrī-kṛta-rucāṃ śrutaṃ no nāmāpi kva nu khalu himāṃśu-prakṛtayaḥ
mamābhyarṇe dhārṣṭyāc carati punar indīvaram iti krudhevedaṃ prāntāruṇam avatu vo locana-yugam //