Subhāṣitaratnakośa · Chapter 26
ruddhe vāyau niṣiddhe tamasi śubha-vaśonmīlitāloka-śaktiḥ kasmān nirvāṇa-lābhī na bhavatu parama-brahmavad vīkṣya dīpaḥ
nidrāṇa-strī-nitambāmbara-haraṇa-raṇan-mekhalārāva-dhāvat kandarpānaddha-bāṇa-vyatikara-taralaṃ kāminaṃ yāminīṣu //
atipītāṃ tamo-rājīṃ tanīyān soḍhum akṣamaḥ
vamatīva śanair eṣa pradīpaḥ kajjala-cchalāt //
nirvāṇa-gocara-gato 'pi muhur pradīpaḥ kiṃ vṛttakaṃ taruṇayoḥ suratāvasāne
ity evam ākalayituṃ sakalaṅka-lajjad udgrīvikām iva dadāti rati-pradīpaḥ //
bālāṃ kṛśāṅgīṃ suratānabhijñāṃ gāḍhaṃ navoḍhām upagūḍhavantam
vilokya jāmātaram eṣa dīpo vātāyate kampam upaiti bhītaḥ //
Original text: Subhāṣitaratnakośa · Edition: D.D. Kosambi and V.V. Gokhale. Cambridge, Massachusetts 1957 (Harvard Oriental Series, 42) · Data entry Harunaga Isaacson · GRETIL (Göttingen) · CC BY-NC-SA 4.0