સુભાષિતરત્નકોશ · અધ્યાય 26

રુદ્ધે વાયૌ નિષિદ્ધે તમસિ શુભ-વશોન્મીલિતાલોક-શક્તિઃ કસ્માન્ નિર્વાણ-લાભી ન ભવતુ પરમ-બ્રહ્મવદ્ વીક્ષ્ય દીપઃ
નિદ્રાણ-સ્ત્રી-નિતમ્બામ્બર-હરણ-રણન્-મેખલારાવ-ધાવત્ કન્દર્પાનદ્ધ-બાણ-વ્યતિકર-તરલં કામિનં યામિનીષુ ॥

અતિપીતાં તમો-રાજીં તનીયાન્ સોઢુમ્ અક્ષમઃ
વમતીવ શનૈર્ એષ પ્રદીપઃ કજ્જલ-ચ્છલાત્ ॥

નિર્વાણ-ગોચર-ગતો ઽપિ મુહુર્ પ્રદીપઃ કિં વૃત્તકં તરુણયોઃ સુરતાવસાને
ઇત્ય્ એવમ્ આકલયિતું સકલઙ્ક-લજ્જદ્ ઉદ્ગ્રીવિકામ્ ઇવ દદાતિ રતિ-પ્રદીપઃ ॥

બાલાં કૃશાઙ્ગીં સુરતાનભિજ્ઞાં ગાઢં નવોઢામ્ ઉપગૂઢવન્તમ્
વિલોક્ય જામાતરમ્ એષ દીપો વાતાયતે કમ્પમ્ ઉપૈતિ ભીતઃ ॥