Smaradīpikā · Verses 202-221

atha śuddhaṃ tathāśuddhaṃ samāsāditatatkriyaḥ /
mantro gurumukhāl labdhaḥ sidhyaty atra na saṃśayaḥ

tricāmuṇḍe iti padaṃ tataḥ kvanu kvanu smṛtam /
tataḥ padaṃ chanu chanu svakīyaṃ vaśam ānayet

sādhyānāma dvitīyāntaṃ dattvā svāheti yojayet /
sāmānyenāmukīnāmajapaṃ kṛtvā vaśaṃ nayet

hrīṃ svāheti mantreṇa sādhyānāmānvitena ca /
saptābhimantritaṃ puṣpaṃ yaiva gṛhṇāti sā vaśā

kākajihvālipakṣau ca suvarṇamalam aśru ca /
raktaṃ rateś ca lepena vaśīkuryur manīṣiṇaḥ

sambhogajaṃ vacābījaṃ jihvā cārkadalaṃ sitam /
saṃcūrṇyāñjitanetrāṇāṃ bhāryāpi vaśatāṃ nayet

haritālaṃ manaḥśilā raktacandanam etat sarvaṃ cūrṇīkṛtya /
puṣpeṇa saha yasyāḥ śirasi dīyate sā paśuvad vaśyā bhavati /
pecakasya hṛdayaṃ kuṅkumena saha sampiṣya tilakaṃ kuryāt tena loko vaśyo bhavati

aśvagandhā vacā kuṣṭhaṃ balā nāgabalā tathā /
māhiṣaṃ navanītaṃ ca gajapippalīsaṃyutam

piṣṭvā teṣāṃ vilepena gāḍhīkaraṇam uttamam /
sampiṣṭaṃ chāgamūtreṇa śūkaśimbīsamudbhavam

nūnaṃ tasya pralepena liṅgaṃ lauhopamaṃ bhavet /
nīlotpalasitāmbhojakesaraṃ madhu śarkarā

amīṣāṃ nābhilepena ramate kāmukaś ciram /
kṣīreṇa kamalaṃ piṣṭvā salilaṃ guṭikākṛtam

upasthe nihitaṃ kuryāt prakīrṇam api ca kvacit /
asthi kṛṣṇabiḍālasya dakṣiṇapārśvasambhavam

baddhaṃ kaṭitaṭe bījaṃ vibandhaṃ kurute dhruvam /
saptaparṇasya bījaṃ hi stambhayec chukram ātmagam

sitaśarapuṃṣāmūlaṃ pāradasahitaṃ kare dhṛtvā /
karañjabījaṃ madhyasthaṃ samūlaṃ bandhayed bījam

ketakībhūmilatāsanamūlībandhavipakvaṃ kusumbhatailam /
pādatale lepenāvaśyaṃ bījastambhaṃ nayati puṃsām

māhiṣadadhisahadevītilamadhusitapadmakesaraṃ militam /
cūrṇaṃ nābhivilepād vīryastambhaṃ karoty avaśyam

bṛhatkarañjabījasthaṃ pāradaṃ padmaveṣṭitam /
mukhe kṣiptam idaṃ bījaṃ stambhayaty eva niścitam

kuryād ādau paricchedaṃ mardanaṃ ca viśeṣataḥ /
saptāhaṃ bhāvayen māṣaṃ nistuṣaṃ vidalaṃ tataḥ

nālikerodakenātha punas teṣāṃ ca bhāvanā /
tatpaścād ghanabhraṣṭaṃ ca bhakṣayet kṣīrasādhitam

vadhūśatasahasrāṇi kāmī kāmayate tataḥ