Smaradīpikā · Verses 222-230

yas tūpānaham ākuñcya samānena niyojayet /
pādāṅguṣṭhena bhūmau tāṃ pīḍayet tu samāhitaḥ

bhakṣayed athavā dagdhaiś campakīkadalīyutam /
atyagrabhāgasaṃyuktaḥ punā ṛddhiṃ prayacchati

kallolinīkānanakandarādau duḥkhāśraye cārpitacittavṛttiḥ /
samṛddham ābaddham abhinnadhairyaḥ ślatho 'pi dīrghaṃ ramate rate

pāradaṃ ṭaṅkanaṃ vyoṣā kākamācī tathā madhu /
kṣiptaliṅgaś ciraṃ nārīṃ drāvayed ramaṇaḥ sadā

tumbīpatraṃ ca lodhraṃ ca samabhāgena lepayet /
bhagalepapradatte 'smin prasūtāpy akṣatā bhavet

palāśodumbaraṃ cāpi tailaṃ kusumasambhavam /
madhunā yonisaṃlepād gāḍhīkaraṇam uttamam

svīyeṣṭadevatāmantro japtaḥ svārtham ahiṃsakaḥ /
yathāvibhūtidānaṃ hi brahmacarye ca tiṣṭhati

kṛtvādau tatra śuddhiṃ tu punaḥ kṣetre śubhekṣaṇe /
sūryodayapradoṣābhyāṃ viśeṣāc ca svayaṃ balī

kṛtvā caikamanā vijño yadi bījaṃ vimuñcati /
sūte māsodaye nūnaṃ guṇavantaṃ yaśasvinam