Skandapurāṇa: Revākhaṇḍa (revised text) · Chapter 107

iti śrīskandapurāṇe revākhaṇḍe cakratīrthamāhātmyavarṇano nāma ṣaḍadhikaśatatamo 'dhyāyaḥ ||
RKS adhyāya 107
mārkaṇḍeya uvāca:
tato gacchet tu rājendra tīrthaṃ paramaśobhanam /
candrādityaṃ nṛpaśreṣṭha sthāpitaṃ caṇḍamuṇḍayoḥ

āsītpurā mahābhāgau caṇḍamuṇḍau tu dānavau /
tapaś ca ceratus tatra narmadāyāṃ yudhiṣṭhira

dhyāyato bhāskaraṃ devaṃ tamo nāśaṃ jagadgurum /
tābhyāṃ ca toṣitaḥ so 'pi sahasrāṃśur uvāca ha

sādhusādhv iti tau pārtha narmadāyās taṭe śūbhe /
caṇḍamuṇḍau varaṃ brūtaṃ viśiṣṭaṃ manasepsitam

caṇḍamuṇḍāv ūcatuḥ:
ajeyau caiva deveśa sarveṣāṃ devatānṛṇām /
rogaiś ceva parityaktau savikāśaṃ divākara

tat tatheti śubhaṃ vākyaṃ bhāskaras tāv avīdat /
tataś cāntardadhe bhānurdānavābhyāṃ ca bhāskaram

sthāpitaṃ parayā bhaktyā pūjayed yo jitendriyaḥ /
gīrvāṇatā manuṣyasya prāptā tatraiva vartate

vasate bhāskare loke vairañce devasannidhau /
ghṛtena bodhayed dīpaṃ ṣaṣṭhyāṃ ṣaṣṭhyāṃ nareśvara

mucyate sarvapāpebhyo mṛto yāti puraṃ raveḥ /
candrādityam iti khyātaṃ tatra tīrthaṃ narottama

vijayante sadā kālaṃ candrādityaṃ vrajanti ye