સ્કન્દપુરાણ: રેવાખણ્ડ (સંશોધિત પાઠ) · અધ્યાય 107

ઇતિ શ્રીસ્કન્દપુરાણે રેવાખણ્ડે ચક્રતીર્થમાહાત્મ્યવર્ણનો નામ ષડધિકશતતમો ઽધ્યાયઃ ॥
ર્ક્સ્ અધ્યાય 107
માર્કણ્ડેય ઉવાચ:
તતો ગચ્છેત્ તુ રાજેન્દ્ર તીર્થં પરમશોભનમ્ ।
ચન્દ્રાદિત્યં નૃપશ્રેષ્ઠ સ્થાપિતં ચણ્ડમુણ્ડયોઃ

આસીત્પુરા મહાભાગૌ ચણ્ડમુણ્ડૌ તુ દાનવૌ ।
તપશ્ ચ ચેરતુસ્ તત્ર નર્મદાયાં યુધિષ્ઠિર

ધ્યાયતો ભાસ્કરં દેવં તમો નાશં જગદ્ગુરુમ્ ।
તાભ્યાં ચ તોષિતઃ સો ઽપિ સહસ્રાંશુર્ ઉવાચ હ

સાધુસાધ્વ્ ઇતિ તૌ પાર્થ નર્મદાયાસ્ તટે શૂભે ।
ચણ્ડમુણ્ડૌ વરં બ્રૂતં વિશિષ્ટં મનસેપ્સિતમ્

ચણ્ડમુણ્ડાવ્ ઊચતુઃ:
અજેયૌ ચૈવ દેવેશ સર્વેષાં દેવતાનૃણામ્ ।
રોગૈશ્ ચેવ પરિત્યક્તૌ સવિકાશં દિવાકર

તત્ તથેતિ શુભં વાક્યં ભાસ્કરસ્ તાવ્ અવીદત્ ।
તતશ્ ચાન્તર્દધે ભાનુર્દાનવાભ્યાં ચ ભાસ્કરમ્

સ્થાપિતં પરયા ભક્ત્યા પૂજયેદ્ યો જિતેન્દ્રિયઃ ।
ગીર્વાણતા મનુષ્યસ્ય પ્રાપ્તા તત્રૈવ વર્તતે

વસતે ભાસ્કરે લોકે વૈરઞ્ચે દેવસન્નિધૌ ।
ઘૃતેન બોધયેદ્ દીપં ષષ્ઠ્યાં ષષ્ઠ્યાં નરેશ્વર

મુચ્યતે સર્વપાપેભ્યો મૃતો યાતિ પુરં રવેઃ ।
ચન્દ્રાદિત્યમ્ ઇતિ ખ્યાતં તત્ર તીર્થં નરોત્તમ

વિજયન્તે સદા કાલં ચન્દ્રાદિત્યં વ્રજન્તિ યે