स्कन्दपुराण: रेवाखण्ड (संशोधित पाठ) · अध्याय 107

इति श्रीस्कन्दपुराणे रेवाखण्डे चक्रतीर्थमाहात्म्यवर्णनो नाम षडधिकशततमो ऽध्यायः ॥
र्क्स् अध्याय 107
मार्कण्डेय उवाच:
ततो गच्छेत् तु राजेन्द्र तीर्थं परमशोभनम् ।
चन्द्रादित्यं नृपश्रेष्ठ स्थापितं चण्डमुण्डयोः

आसीत्पुरा महाभागौ चण्डमुण्डौ तु दानवौ ।
तपश् च चेरतुस् तत्र नर्मदायां युधिष्ठिर

ध्यायतो भास्करं देवं तमो नाशं जगद्गुरुम् ।
ताभ्यां च तोषितः सो ऽपि सहस्रांशुर् उवाच ह

साधुसाध्व् इति तौ पार्थ नर्मदायास् तटे शूभे ।
चण्डमुण्डौ वरं ब्रूतं विशिष्टं मनसेप्सितम्

चण्डमुण्डाव् ऊचतुः:
अजेयौ चैव देवेश सर्वेषां देवतानृणाम् ।
रोगैश् चेव परित्यक्तौ सविकाशं दिवाकर

तत् तथेति शुभं वाक्यं भास्करस् ताव् अवीदत् ।
ततश् चान्तर्दधे भानुर्दानवाभ्यां च भास्करम्

स्थापितं परया भक्त्या पूजयेद् यो जितेन्द्रियः ।
गीर्वाणता मनुष्यस्य प्राप्ता तत्रैव वर्तते

वसते भास्करे लोके वैरञ्चे देवसन्निधौ ।
घृतेन बोधयेद् दीपं षष्ठ्यां षष्ठ्यां नरेश्वर

मुच्यते सर्वपापेभ्यो मृतो याति पुरं रवेः ।
चन्द्रादित्यम् इति ख्यातं तत्र तीर्थं नरोत्तम

विजयन्ते सदा कालं चन्द्रादित्यं व्रजन्ति ये