Scripture Library

Skanda Purana · Chapter 7.89

7.89.1

// īśvara uvāca // //
tato gacchedvarārohe kapālīśvaramuttamam //
rudraṃ tṛtīyaṃ pāpaghnaṃ nīlarudrasyapūrvataḥ

7.89.2

budheśvarātpaścimato dhanuṣāṃ saptake sthitam //
chinnaṃ mayā purā devi brahmaṇaḥ paṃcamaṃ śiraḥ

7.89.3

tatkapālaṃ kare lagnaṃ prabhāsakṣetramāgataḥ //
tato varṣasahasraṃ tu saṃsthitaḥ kṣetramadhyataḥ

7.89.4

kapāladhārī digvāsāḥ kapālī tena ca smṛtaḥ //
tanmayā pūjitaṃ liṃgaṃ varṣāṇāmayutaṃ priye

7.89.5

kapālirūpamāsthāya kapālīśastataḥ smṛtaḥ //
sarvapāpaharo nṛṇāṃ darśanātsparśanādapi

7.89.6

mayā tatra niyuktā vai rakṣārthaṃ śūlapāṇayaḥ //
gaṇāḥ sahasraśo devi pāpināṃ duṣṭacetasām

7.89.7

tasmātsarvaprayatnena samyakchraddhāsamanvitaḥ //
pūjayettaṃ mahādevaṃ kapālinamanāmayam

7.89.8

hiraṇyaṃ tatra dātavyaṃ brāhmaṇe vedapārage //
pūjayitvā vidhānena samyaktatpuruṣāṇunā

7.89.9

janmaprabhṛti yatpāpaṃ prāṇibhiḥ samupārjitam //
ṣaḍaśītimukhe dṛṣṭvā talliṃgaṃ tu vyapohati

7.89.7.1.89.10

iti saṃkṣepataḥ proktaṃ māhātmyaṃ pāpanāśanam //
kapālirudradevasya tṛtīyasya varānane

7.89.89

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśarudramāhātmye kapā līśvaramāhātmyavarṇanaṃnāmaikonanavatitamo'dhyāyaḥ

Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0