સ્કંદ પુરાણ · અધ્યાય 7.89

॥ ઈશ્વર ઉવાચ ॥ ॥
તતો ગચ્છેદ્વરારોહે કપાલીશ્વરમુત્તમમ્ ॥
રુદ્રં તૃતીયં પાપઘ્નં નીલરુદ્રસ્યપૂર્વતઃ

બુધેશ્વરાત્પશ્ચિમતો ધનુષાં સપ્તકે સ્થિતમ્ ॥
છિન્નં મયા પુરા દેવિ બ્રહ્મણઃ પંચમં શિરઃ

તત્કપાલં કરે લગ્નં પ્રભાસક્ષેત્રમાગતઃ ॥
તતો વર્ષસહસ્રં તુ સંસ્થિતઃ ક્ષેત્રમધ્યતઃ

કપાલધારી દિગ્વાસાઃ કપાલી તેન ચ સ્મૃતઃ ॥
તન્મયા પૂજિતં લિંગં વર્ષાણામયુતં પ્રિયે

કપાલિરૂપમાસ્થાય કપાલીશસ્તતઃ સ્મૃતઃ ॥
સર્વપાપહરો નૃણાં દર્શનાત્સ્પર્શનાદપિ

મયા તત્ર નિયુક્તા વૈ રક્ષાર્થં શૂલપાણયઃ ॥
ગણાઃ સહસ્રશો દેવિ પાપિનાં દુષ્ટચેતસામ્

તસ્માત્સર્વપ્રયત્નેન સમ્યક્છ્રદ્ધાસમન્વિતઃ ॥
પૂજયેત્તં મહાદેવં કપાલિનમનામયમ્

હિરણ્યં તત્ર દાતવ્યં બ્રાહ્મણે વેદપારગે ॥
પૂજયિત્વા વિધાનેન સમ્યક્તત્પુરુષાણુના

જન્મપ્રભૃતિ યત્પાપં પ્રાણિભિઃ સમુપાર્જિતમ્ ॥
ષડશીતિમુખે દૃષ્ટ્વા તલ્લિંગં તુ વ્યપોહતિ

ઇતિ સંક્ષેપતઃ પ્રોક્તં માહાત્મ્યં પાપનાશનમ્ ॥
કપાલિરુદ્રદેવસ્ય તૃતીયસ્ય વરાનને

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્ય એકાદશરુદ્રમાહાત્મ્યે કપા લીશ્વરમાહાત્મ્યવર્ણનંનામૈકોનનવતિતમોઽધ્યાયઃ