Skanda Purana · Chapter 7.88

// īśvara uvāca // //
tato gacchenmahādevi nīlarudraṃ dvitīyakam//
bhūteśāduttare bhāge dhanuṣāṃ ṣoḍaśe sthitam

mahāliṃgaṃ mahādevi gaṇagaṃdharvapūjitam//
saṃsnāpya taṃ vidhānena īśamaṃtreṇa pūjayet

kumudotpalasaṃbhāraiḥ samyaksaṃbhāvitātmavān //
kṛtvā pradakṣiṇāṃ tasya namaskāreṇa pūjayet

evaṃ kṛtvā naro devi rājasūyaphalaṃ labhet //
vṛṣastatraiva dātavyaḥ samyagyātrāphalepsubhiḥ

nīlāṃjananibho daityo nihataścāṃtakaḥ purā //
tasya rodayitā strīṇāṃ nīlarudrastataḥ smṛtaḥ

tasya saṃkṣepataḥ proktaṃ māhātmyaṃ pāpanāśanam //
samyakchraddhānvitaiḥ prāpyaṃ śrāvyaṃ taddarśanotsukaiḥ

itiśrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśarudramāhātmye nīla rudramāhātmyavarṇanaṃnāmāṣṭāśītitamo'dhyāyaḥ