Scripture Library
Skanda Purana · Verses 7.5-4
7.5-4.1
// īśvara uvāca // //
tato gacchenmahādevi maṃgalātpaścime sthitam //
gaṃgāsrotastathā liṃgaṃ surārkaṃ ca viśeṣataḥ
7.5-4.2
tāngacchedvidhivaddevi yadi yātrāphalepsutā //
snātvā piṇḍapradānaṃ ca kuryāttatra yathārthataḥ //
brāhmaṇebhyastathā deyamannaṃ bhūri sadakṣiṇam
7.5-4.3
iti te kathitaṃ mayā priye kalipāpaughavināśanaṃ śubham //
nikhilaṃ tīrthamahodayodayaṃ paṭhitaṃ sadvinihaṃti pāpasaṃhatim
7.5-4.4
idaṃ na deyaṃ durbuddheḥ sutarāṃ pāpanāśanam //
śrotavyaṃ vidhinā tadvadbhaviṣyoktavidhānataḥ
7.5-4.5
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye gaṃgeśvaramāhātmyavarṇanaṃnāma paṃcamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0