સ્કંદ પુરાણ · શ્લોક 7.5-4

॥ ઈશ્વર ઉવાચ ॥ ॥
તતો ગચ્છેન્મહાદેવિ મંગલાત્પશ્ચિમે સ્થિતમ્ ॥
ગંગાસ્રોતસ્તથા લિંગં સુરાર્કં ચ વિશેષતઃ

તાન્ગચ્છેદ્વિધિવદ્દેવિ યદિ યાત્રાફલેપ્સુતા ॥
સ્નાત્વા પિણ્ડપ્રદાનં ચ કુર્યાત્તત્ર યથાર્થતઃ ॥
બ્રાહ્મણેભ્યસ્તથા દેયમન્નં ભૂરિ સદક્ષિણમ્

ઇતિ તે કથિતં મયા પ્રિયે કલિપાપૌઘવિનાશનં શુભમ્ ॥
નિખિલં તીર્થમહોદયોદયં પઠિતં સદ્વિનિહંતિ પાપસંહતિમ્

ઇદં ન દેયં દુર્બુદ્ધેઃ સુતરાં પાપનાશનમ્ ॥
શ્રોતવ્યં વિધિના તદ્વદ્ભવિષ્યોક્તવિધાનતઃ

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે ગંગેશ્વરમાહાત્મ્યવર્ણનંનામ પંચમોઽધ્યાયઃ