Skanda Purana · Chapter 7.201

// īśvara uvāca // //
tasminsthāne mahādevi smaśānaṃ kālabhairavam //
brahmakuṇḍaṃ varārohe yāvaddevaḥ kṛtasmaraḥ

tatra ye prāṇino dagdhā mṛtāḥ kālaviparyayāt //
te sarve muktimāyāṃti mahāpātakino'pi vā

kṛtasmarānmahādevi yāvanmaṃkīśvaraḥ sthitaḥ //
mahāsmaśānaṃ taddevi apunarbhavadāyakam

tasminsthāne vahedyatra viṣuvaṃ prāṇināṃ priye //
tatroṣaraṃ smṛtaṃ kṣetraṃ tanme priyataraṃ sadā

kalpāṃte'pi na muṃcāmi avimuktātpriyaṃ mama

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kālabhairavasmaśānamāhātmyavarṇanaṃ nāmaikottaradviśatatamo'dhyāyaḥ