સ્કંદ પુરાણ · અધ્યાય 7.201

॥ ઈશ્વર ઉવાચ ॥ ॥
તસ્મિન્સ્થાને મહાદેવિ સ્મશાનં કાલભૈરવમ્ ॥
બ્રહ્મકુણ્ડં વરારોહે યાવદ્દેવઃ કૃતસ્મરઃ

તત્ર યે પ્રાણિનો દગ્ધા મૃતાઃ કાલવિપર્યયાત્ ॥
તે સર્વે મુક્તિમાયાંતિ મહાપાતકિનોઽપિ વા

કૃતસ્મરાન્મહાદેવિ યાવન્મંકીશ્વરઃ સ્થિતઃ ॥
મહાસ્મશાનં તદ્દેવિ અપુનર્ભવદાયકમ્

તસ્મિન્સ્થાને વહેદ્યત્ર વિષુવં પ્રાણિનાં પ્રિયે ॥
તત્રોષરં સ્મૃતં ક્ષેત્રં તન્મે પ્રિયતરં સદા

કલ્પાંતેઽપિ ન મુંચામિ અવિમુક્તાત્પ્રિયં મમ

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે કાલભૈરવસ્મશાનમાહાત્મ્યવર્ણનં નામૈકોત્તરદ્વિશતતમોઽધ્યાયઃ