Skanda Purana · Chapter 7.151

// īśvara uvāca // //
tasyaiva dakṣiṇe bhāge tṛtīyo bhairavaḥ sthita //
brahmakuṇḍasamīpe tu sāvitryā saṃpratiṣṭhitaḥ

ārādhya tatra deveśaṃ devānāṃ prapitāmaham //
vāyubhakṣā nirāhārā toṣayāmāsa śaṃkaram

tuṣṭaḥ prāheśvaro devi śaṃkarastāṃ varānanām

yo'sminkuṃḍe naraḥ snātvā malliṃgaṃ pūjayiṣyati //
paurṇamāsyāṃ vidhānena gandhapuṣpādibhiḥ kramāt

dāsyaṃ tasya varā niṣṭānmanasā'bhīsitāñchubhān

mahāpātakayukto'pi mukto bhavati pātakaiḥ //
sarvakāmasamṛddhātmā sa bhūyādvṛṣabhadhvajaḥ

ityevamuktvā deveśi tato'ntardhānamāgataḥ //
sāvitrī brahmaloke tu gatā saṃsthāpya śaṃkaram

iti saṃkṣepataḥ proktaṃ sāvitrīśamahodayam //
śṛṇuyādyastu matimānsa muktaḥ pātakairbhavet

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye brahmakuṇḍamāhātmye sāvitrīśvarabhairavamāhātmya- varṇanaṃnāmaikapaṃcāśaduttaraśatatamo'dhyāyaḥ