Scripture Library
Skanda Purana · Chapter 7.150
7.150.1
// īśvara uvāca // //
tato brahmeśvaraṃ gacchettasya dakṣiṇataḥ sthitam //
brahmaṇā sthāpitaṃ pūrvaṃ brahmakuṇḍasamīpataḥ //
triṣu lokeṣu vikhyātaṃ rakṣyamāṇaṃ gaṇairmama
7.150.2
tatra snātvā caturdaśyāmamāvāsyāṃ viśeṣataḥ //
śrāddhaṃ ca vidhivatkṛtvā brahmeśaṃ pūjayettataḥ
7.150.3
viprebhyaḥ kāṃcanaṃ dadyātprītaye śaṃkarasya ca
7.150.4
evaṃ kṛtvā naro devi labhate janmanaḥ phalam //
vipulāṃ kīrtimāyāti modate brahmaṇā priye
7.150.150
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye brahmakuṃḍamāhātmye brahmeśvaramāhātmyavarṇanaṃnāma paṃcāśadu ttaraśatatamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0