સ્કંદ પુરાણ · અધ્યાય 7.151

॥ ઈશ્વર ઉવાચ ॥ ॥
તસ્યૈવ દક્ષિણે ભાગે તૃતીયો ભૈરવઃ સ્થિત ॥
બ્રહ્મકુણ્ડસમીપે તુ સાવિત્ર્યા સંપ્રતિષ્ઠિતઃ

આરાધ્ય તત્ર દેવેશં દેવાનાં પ્રપિતામહમ્ ॥
વાયુભક્ષા નિરાહારા તોષયામાસ શંકરમ્

તુષ્ટઃ પ્રાહેશ્વરો દેવિ શંકરસ્તાં વરાનનામ્

યોઽસ્મિન્કુંડે નરઃ સ્નાત્વા મલ્લિંગં પૂજયિષ્યતિ ॥
પૌર્ણમાસ્યાં વિધાનેન ગન્ધપુષ્પાદિભિઃ ક્રમાત્

દાસ્યં તસ્ય વરા નિષ્ટાન્મનસાઽભીસિતાઞ્છુભાન્

મહાપાતકયુક્તોઽપિ મુક્તો ભવતિ પાતકૈઃ ॥
સર્વકામસમૃદ્ધાત્મા સ ભૂયાદ્વૃષભધ્વજઃ

ઇત્યેવમુક્ત્વા દેવેશિ તતોઽન્તર્ધાનમાગતઃ ॥
સાવિત્રી બ્રહ્મલોકે તુ ગતા સંસ્થાપ્ય શંકરમ્

ઇતિ સંક્ષેપતઃ પ્રોક્તં સાવિત્રીશમહોદયમ્ ॥
શૃણુયાદ્યસ્તુ મતિમાન્સ મુક્તઃ પાતકૈર્ભવેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે બ્રહ્મકુણ્ડમાહાત્મ્યે સાવિત્રીશ્વરભૈરવમાહાત્મ્ય- વર્ણનંનામૈકપંચાશદુત્તરશતતમોઽધ્યાયઃ