Skanda Purana · Chapter 7.132

// īśvara uvāca // //
tato gacchenmahādevi vaiṣṇavīṃ śaktimuttamām //
someśādīśadigbhāge nātidūre vyavasthitām

siddhalakṣmīti vikhyātā hyatra pīṭhādhidevatā

brahmāṇḍe prathamaṃ pīṭhaṃ yatprabhāsaṃ vyavasthitam //
tatra devi mahāpīṭhe yoginyo bhūcarāḥ khagāḥ //
bhairaveṇa same tāstu krīḍante svecchayā priye

jālaṃdharaṃ mahāpīṭhaṃ kāmarūpaṃ tathaiva ca //
śrīmadrudranṛsiṃhaṃ ca caturthaṃ pīṭhamuttamam

ratnavīryaṃ mahāpīṭhaṃ kāśmīraṃ pīṭhameva ca //
etāni devi pīṭhāni yo vetti sa ca mantravit

sarveṣāṃ caiva pīṭhānāmādhāraṃ pīṭhamuttamam //
saurāṣṭre tu mahādevi nāmnā khyātaṃ mahodayam //
kāmarūpadharaṃ jñānaṃ yatrādyāpi pravartate

tatra pīṭhe sthitā devī mahālakṣmīti viśrutā //
sarvapāpapraśamanī sarvakāryaśubhapradā

śrīpañcamyāṃ naro yastu pūjayettāṃ vidhānataḥ //
gandhapuṣpādibhirbhaktyā tasyālakṣmībhayaṃ kutaḥ

uttarāṃ diśamāsthāya mahāla kṣmyāstu sannidhau//
yo japenmantrarājñīṃ tāṃ siddhalakṣmīti viśrutām

lakṣajāpyavidhānena dīkṣāsnānādipūrvakam //
daśāṃśahomasaṃyuktaṃ trimadhu- śrīphalesubhiḥ

evaṃ pratyakṣatāṃ yāti tasya lakṣmīrna saṃśayaḥ //
dadāti vāṃchitāṃ siddhimiha loke paratra ca

tṛtīyāyāmathā ṣṭamyāṃ caturdaśyāṃ vidhānataḥ //
yastāṃ pūjayate bhaktyā tasya siddhiḥ kare sthitā

iti śrīskāṃde mahāpurāṇa ekāśītisāhasryāṃ sahitāyāṃ saptame prabhāsakhaṇḍe prathame prabhāsakṣetramāhātmye siddhalakṣmīmāhātmyavarṇanaṃnāma dvātriṃśaduttaraśatatamo'dhyāyaḥ