સ્કંદ પુરાણ · અધ્યાય 7.132

॥ ઈશ્વર ઉવાચ ॥ ॥
તતો ગચ્છેન્મહાદેવિ વૈષ્ણવીં શક્તિમુત્તમામ્ ॥
સોમેશાદીશદિગ્ભાગે નાતિદૂરે વ્યવસ્થિતામ્

સિદ્ધલક્ષ્મીતિ વિખ્યાતા હ્યત્ર પીઠાધિદેવતા

બ્રહ્માણ્ડે પ્રથમં પીઠં યત્પ્રભાસં વ્યવસ્થિતમ્ ॥
તત્ર દેવિ મહાપીઠે યોગિન્યો ભૂચરાઃ ખગાઃ ॥
ભૈરવેણ સમે તાસ્તુ ક્રીડન્તે સ્વેચ્છયા પ્રિયે

જાલંધરં મહાપીઠં કામરૂપં તથૈવ ચ ॥
શ્રીમદ્રુદ્રનૃસિંહં ચ ચતુર્થં પીઠમુત્તમમ્

રત્નવીર્યં મહાપીઠં કાશ્મીરં પીઠમેવ ચ ॥
એતાનિ દેવિ પીઠાનિ યો વેત્તિ સ ચ મન્ત્રવિત્

સર્વેષાં ચૈવ પીઠાનામાધારં પીઠમુત્તમમ્ ॥
સૌરાષ્ટ્રે તુ મહાદેવિ નામ્ના ખ્યાતં મહોદયમ્ ॥
કામરૂપધરં જ્ઞાનં યત્રાદ્યાપિ પ્રવર્તતે

તત્ર પીઠે સ્થિતા દેવી મહાલક્ષ્મીતિ વિશ્રુતા ॥
સર્વપાપપ્રશમની સર્વકાર્યશુભપ્રદા

શ્રીપઞ્ચમ્યાં નરો યસ્તુ પૂજયેત્તાં વિધાનતઃ ॥
ગન્ધપુષ્પાદિભિર્ભક્ત્યા તસ્યાલક્ષ્મીભયં કુતઃ

ઉત્તરાં દિશમાસ્થાય મહાલ ક્ષ્મ્યાસ્તુ સન્નિધૌ॥
યો જપેન્મન્ત્રરાજ્ઞીં તાં સિદ્ધલક્ષ્મીતિ વિશ્રુતામ્

લક્ષજાપ્યવિધાનેન દીક્ષાસ્નાનાદિપૂર્વકમ્ ॥
દશાંશહોમસંયુક્તં ત્રિમધુ- શ્રીફલેસુભિઃ

એવં પ્રત્યક્ષતાં યાતિ તસ્ય લક્ષ્મીર્ન સંશયઃ ॥
દદાતિ વાંછિતાં સિદ્ધિમિહ લોકે પરત્ર ચ

તૃતીયાયામથા ષ્ટમ્યાં ચતુર્દશ્યાં વિધાનતઃ ॥
યસ્તાં પૂજયતે ભક્ત્યા તસ્ય સિદ્ધિઃ કરે સ્થિતા

ઇતિ શ્રીસ્કાંદે મહાપુરાણ એકાશીતિસાહસ્ર્યાં સહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે સિદ્ધલક્ષ્મીમાહાત્મ્યવર્ણનંનામ દ્વાત્રિંશદુત્તરશતતમોઽધ્યાયઃ