Skanda Purana · Chapter 7.112

// īśvara uvāca // //
tato gacchenmahādevi lakṣmaṇeśvaramuttamam //
rāmeśātpūrvadigbhāge dhanustriṃśakasaṃsthitam

sthāpitaṃ lakṣmaṇenaiva tatra yātrāgatena vai //
mahāpāpaharaṃ devi talliṃgaṃ surapūjitam

yastaṃ pūjayate bhaktyā nṛtyagītādivādanaiḥ //
homajāpyaiḥ samādhisthaḥ sa yāti paramāṃ gatim

annodakaṃ hiraṇyaṃ ca tatra deyaṃ dvijātaye //
saṃpūjya devadeveśaṃ gaṃdhapuṣpādibhiḥ kramāt //

māghe kṛṣṇacaturdaśyāṃ viśeṣastatra pūjane //
snānaṃ dānaṃ japastatra bhavedakṣayakārakam

iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye rāmeśvarakṣetramāhātmye lakṣmaṇeśvaramāhātmyavarṇanaṃnāma dvādaśottaraśatatamo 'dhyāyaḥ