સ્કંદ પુરાણ · અધ્યાય 7.112

॥ ઈશ્વર ઉવાચ ॥ ॥
તતો ગચ્છેન્મહાદેવિ લક્ષ્મણેશ્વરમુત્તમમ્ ॥
રામેશાત્પૂર્વદિગ્ભાગે ધનુસ્ત્રિંશકસંસ્થિતમ્

સ્થાપિતં લક્ષ્મણેનૈવ તત્ર યાત્રાગતેન વૈ ॥
મહાપાપહરં દેવિ તલ્લિંગં સુરપૂજિતમ્

યસ્તં પૂજયતે ભક્ત્યા નૃત્યગીતાદિવાદનૈઃ ॥
હોમજાપ્યૈઃ સમાધિસ્થઃ સ યાતિ પરમાં ગતિમ્

અન્નોદકં હિરણ્યં ચ તત્ર દેયં દ્વિજાતયે ॥
સંપૂજ્ય દેવદેવેશં ગંધપુષ્પાદિભિઃ ક્રમાત્ ॥

માઘે કૃષ્ણચતુર્દશ્યાં વિશેષસ્તત્ર પૂજને ॥
સ્નાનં દાનં જપસ્તત્ર ભવેદક્ષયકારકમ્

ઇતિ શ્રીસ્કાંદે મહાપુરાણ એકાશીતિ સાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે રામેશ્વરક્ષેત્રમાહાત્મ્યે લક્ષ્મણેશ્વરમાહાત્મ્યવર્ણનંનામ દ્વાદશોત્તરશતતમો ઽધ્યાયઃ