Skanda Purana · Chapter 4.29

/// agastya uvāca // //
vinā snānena gaṃgāyā nṛṇāṃ janmaniratharkam //
upāyāṃtaramastyanyadyena snānaphalaṃ labhet

aśaktānāṃ ca paṃgūnāmālasyopahatātmanām //
dūradeśāṃtarasthānāṃ gaṃgāsnānaṃ kathaṃ bhavet

dānaṃ vā'tha vrataṃvā'tha maṃtraḥstotrajapo'thavā //
tīrthāṃtarābhiṣeko vā devatopāsanaṃ tu vā

yadyastikiṃcitṣaḍvaktra gaṃgāsnānaphalapradam //
vidhānāṃtaramātreṇa tadvada praṇatāya me

tvatto na vedaskaṃdānyo gaṃgāgarbha samudbhava //
paraṃ svargataraṃgiṇyā mahimānaṃ mahāmate

// skaṃda uvāca // //
saṃti puṇyajalānīha sarāṃsi sarito mune //
sthāne sthāne ca tīrthāni jitātmādhyuṣitāni ca

dṛṣṭapratyayakārīṇi mahāmahima bhāṃjyapi //
paraṃ svargataraṃgiṇyāḥ koṭyaṃśopi na tatra vai

anenaivānumānena buddhyasva kalaśodbhava //
dadhre gaṃgottamāṃgena devadevena śaṃbhunā

snānakāle'nya tīrtheṣu japyate jāhnavī janaiḥ //
vinā viṣṇupadīṃ kvānyatsamarthamaghamocane

gaṃgāsnānaphalaṃ brahmangaṃgāyāmeva labhyate//
yathā drākṣāphalasvādo drākṣāyāmeva nānyataḥ

astyupāya iha tvekaḥ syādyenāvikalaṃ phalam//
snānasya devasarito mahāguhyatamo mune

śivabhaktāya śāṃtāya viṣṇubhaktiparāya ca //
śraddhālave tvāstikāya garbhavāsamupukṣave

kathanīyaṃ na cānyasya kasyacitkenacitkvacit //
idaṃ rahasyaṃ paramaṃ mahāpātakanāśanam

mahāśreyaskaraṃ puṇyaṃ manorathakaraṃ param //
dyunadīprītijanakaṃ śivasaṃtoṣasaṃtati

nāmnāṃ sahasragaṃgāyāḥ stavarājeṣuśo bhanam //
japyānāṃ paramaṃ japyaṃ vedopaniṣadāsamam

japanīyaṃ prayannena mauninā vācakaṃ vinā //
śucisthāneṣu śucinā suspaṣṭākṣarameva ca

skaṃda uvāca // //
ॐnamo gaṃgādevyai //
ॐkārarūpiṇyajarā'tulā'namatā'mṛtasravā //
atyudārā'bhayā'śokā'lakanaṃdā'mṛtā'malā

anāthavatsalā'moghā'pāṃyoniramṛtapradā //
avyaktalakṣaṇā'kṣobhyā 'navacchinnā'parājitā

anāthanāthā'bhīṣṭārthasiddhidā'naṃgavardhinī //
aṇimādiguṇā'dhārāgragaṇyā'līkahāriṇī

aciṃtyaśaktiranaghā'dbhutarūpā'ghahāriṇī //
adrirājasutā'ṣṭāṃgayogasiddhipradā'cyutā

akṣuṇṇaśaktirasudā'naṃtatīrthā'mṛtodakā //
anaṃtamahimā'pārā'naṃtasaukhyapradā'nnadā

aśeṣadevatāmūrtiraghorā'mṛtarūpiṇī //
avidyājālaśamanī hyapratarkyagatipradā

aśeṣavighnasaṃhartrī tvaśeṣaguṇaguṃphitā //
ajñānatimirajyotiranugrahaparāyaṇā

abhirāmā'navadyāṃgyanaṃtasārā'kalaṃkinī //
ārogyadā''naṃdavallī tvāpannārtivināśinī

āścaryamūrtirāyuṣyā hyāḍhyā''dyā''prā''ryasevitā //
āpyāyinyāptavidyā''khyātvānaṃdā''śvāsadāyinī

ālasyaghnyāpadāṃ haṃtrī hyānaṃdāmṛtavarṣiṇī //
irāvatīṣṭadātrīṣṭā tviṣṭāpūrtaphalapradā

itihāsaśrutīḍyārthā tvihāmutraśubhapradā// //
ijyāśīlasamijyeṣṭhā tviṃdrādiparivaṃditā

ilālaṃkāramāleddhā tviṃdirāramyamaṃdirā //
idiṃdirādisaṃsevyā tvīśvarīśvaravallabhā

ītibhītihareḍyā ca tvīḍanīya caritrabhṛt //
utkṛṣṭaśaktirutkṛṣṭoḍupamaṃḍalacāriṇī

uditāṃbaramārgosroragalokavihāriṇī //
ukṣorvarotpalotkuṃbhā upeṃdracaraṇadravā

udanvatpūrtihetuścodārotsāhapravardhinī //
udvegaghnyuṣṇaśamanī uṣṇaraśmisutā priyā

utpatti sthiti saṃhārakāriṇyuparicāriṇī //
ūrjaṃ vahaṃtyūrjadharorjāvatī cormimālinī

ūrdhvaretaḥpriyordhvādhvā hyūrmilordhvagatipradā //
ṛṣivṛṃdastutarddhiśca ṛṇatrayavināśinī

ṛtaṃbhararddhidātrī ca ṛksvarūpā ṛjupriyā //
ṛkṣamārgavaharkṣārcirṛjumārgapradarśinī

edhitā'khiladharmārthātvekaikāmṛtadāyinī //
edhanīyasvabhāvaijyā tvejitā śeṣapātakā

aiśvaryadaiśvaryarūpā hyaitihyaṃ hyaiṃdavī dyutiḥ //
ojasvinyoṣadhīkṣetramojodaudanadāyinī

oṣṭhāmṛtaunnatyadātrī tvauṣadhaṃ bhavarogiṇām //
audāryacaṃcuraupeṃdrī tvaugrīhyaumeyarūpiṇī

aṃbarādhvavahāṃ'vaṣṭhāṃ varamālāṃbujekṣaṇā //
aṃbikāṃbumahāyoniraṃdhodāṃdhakahāriṇī

aṃśumālāhyaṃśumatī tvaṃgīkṛtaṣaḍānanā //
aṃdhatāmisrahaṃtryaṃdhuraṃ janāhyaṃjanāvatī

kalyāṇakāriṇī kāmyā kamalotpalagaṃdhinī //
kumudvatī kamalinī kāṃtiḥ kalpitadāyinī

kāṃcanākṣī kāmadhenuḥ kīrtikṛtkleśanāśinī //
kratuśreṣṭhā kratuphalā karmabaṃdhavibhedinī

kamalākṣī klamaharā kṛśānutapanadyutiḥ //
karuṇārdrā ca kalyāṇī kalikalmaṣanāśinī // ४२ /
kāmarūpākriyāśaktiḥ kamalotpalamālinī //
kūṭasthā karuṇākāṃtā karmayānā kalāvatī

kamalākalpalatikā kālīkaluṣavairiṇī //
kamanīyajalākamrā kapardisukapardagā

kālakṛṭapraśamanī kadaṃbakusumapriyā //
kāliṃdī kelilalitā kalakallolamālikā

krāṃtalokatrayākaṃḍūḥ kaṃḍūtanayavatsalā //
khaḍginī khaḍgadhārābhā khagā khaṃḍeṃdudhāriṇī

khekhelagāminī khasthā khaṃḍeṃdutilakapriyā//
khecarīkhecarīvaṃdyā khyātiḥ khyātipradāyinī

khaṃḍitapraṇatāghaughā khalabuddhivināśinī //
khātainaḥ kaṃdasaṃdohā khaḍgakhaṭvāṃga(?) kheṭinī//

kharasaṃtāpaśamanī khaniḥ pīyūṣapāthasām //
gaṃgā gaṃdhavatī gaurī gaṃdharvanagarapriyā

gaṃbhīrāṃgī guṇamayī gatātaṃkā gatipriyā //
gaṇanāthāṃbikā gītā gadyapadyapariṣṭutā

gāṃdhārī garbhaśamanī gatibhraṣṭagatipradā //
gomatī guhyavidyāgaurgoptrī gaganagāminī

gotrapravardhinī guṇyā guṇātītā guṇāgraṇīḥ //
guhāṃbikā girisutā goviṃdāṃghrisamudbhavā

guṇanīyacaritrā ca gāyatrī giriśapriyā //
gūḍharūpā guṇavatī gurvī gauravavardhinī

grahapīḍāharā guṃdrā garaghnī gānavatsalā //
gharmahaṃtrī ghṛtavatī ghṛtatuṣṭipradāyinī

ghaṃṭāravapriyā ghorā'ghaughavidhvaṃsakāriṇī //
ghrāṇatuṣṭikarī ghoṣā ghanānaṃdā ghanapriyā

ghātukā ghṛrṇitajalā ghṛṣṭapātakasaṃtatiḥ //
ghaṭakoṭiprapītāpā ghaṭitāśeṣamaṃgalā

ghṛṇāvatī ghṛṇanidhirghasmarā ghūkanādinī //
ghusṛṇā piṃjaratanurghargharā ghargharasvanā

caṃdrikā caṃdrakāṃtāṃbuścaṃcadāpā caladyutiḥ//
cinmayī citirūpā ca caṃdrāyutaśanānanā

cāṃpeyalocanā cāruścārvaṃgī cārugāminī //
cāryā cāritranilayā citrakṛccitrarūpiṇī

caṃpaścaṃdanaśucyaṃbuścarcanīyā cirasthirā //
cārucaṃpakamālāḍhyā camitāśeṣa duṣkutā

cidākāśavahāciṃtyā caṃcaccāmaravījitā //
coritāśeṣavṛjinā caritāśeṣamaṃḍalā

cheditākhilapāpaughā chadmaghnī chalahāriṇī //
channatriviṣṭapa talā choṭitāśeṣabaṃdhanā

churitāmṛtadhāraughā chinnaināśchaṃdagāminī //
chatrīkṛtamarālaughā chaṭīkṛtanijāmṛtā

jāhnavī jyā jaganmātā japyā jaṃghālavīcikā //
jayā janārdanaprītā juṣaṇīyā jagaddhitā

jīvanaṃ jīvanaprāṇā jagajjyeṣṭhā jaganmayī //
jīvajīvātulatikā janmijanmanibarhiṇī //

jāḍyavidhvaṃsanakarī jagadyonirjalāvilā //
jagadānaṃdajananī jalajā jalajekṣaṇā

janalocanapīyūṣā jaṭātaṭavihāriṇī //
jayaṃtī jaṃjapūkaghnī janitajñānavigrahā

jhallarī vādyakuśalā jhalajjhālajalāvṛtā //
jhiṃṭīśavaṃdyā jhāṃkārakāriṇī jharjharāvatī

ṭīkitāśeṣapātālā ṭaṃkikainodripāṭane //
ṭaṃkāranṛtyatkallolā ṭīkanīyamahātaṭā

ḍaṃbarapravahāḍīna rājahaṃsakulākulā//
ḍamaḍḍamaruhastā ca ḍāmarokta mahāṃḍakā

ḍhaukitāśeṣanirvāṇā ḍhakkānādacalajjalā //
ḍhuṃḍhivighneśajananī ḍhaṇaḍḍhuṇitapātakā

tarpaṇītīrthatīrthā ca tripathā tridaśeśvarī //
trilokagoptrī toyeśī trailokyaparivaṃditā

tāpatritayasaṃhartrī tejobalavivardhinī //
trilakṣyā tāraṇī tārā tārāpatikarārcitā

trailokyapāvanī puṇyā tuṣṭidā tuṣṭirūpiṇī //
tṛṣṇāchettrī tīrthamātā ttrivikramapadodbhavā

tapomayī taporūpā tapaḥstoma phalapradā //
trailokyavyāpinī tṛptistṛptikṛttattvarūpiṇī

trailokyasuṃdarī turyā turyātītapadapradā //
trailokyalakṣmīstripadī tathyātimiracaṃdrikā

tejogarbhā tapaḥsārā tripurāri śirogṛhā //
trayīsvarūpiṇī tanvī tapanāṃgajabhītinut

taristaraṇijāmitraṃ tarpitāśeṣapūrvajā //
tulāvirahitā tīvrapāpatūlatanūnapāt //

dāridryadamanī dakṣā duṣprekṣā divyamaṃḍanā //
dīkṣāvatīdurāvāpyā drākṣāmadhuravāribhṛt

darśitānekakutukā duṣṭadurjayaduḥkhahṛt //
dainyahṛdduritaghnī ca dānavāri padābjajā

daṃdaśūkaviṣaghrī ca dāritāghaughasaṃtatiḥ //
drutādeva drumacchannā durvārāghavighātinī

damagrāhyā devamātā devalokapradarśinī //
devadevapriyādevī dikpālapadadāyinī

dīrghāyuḥkāriṇī dīrghā dogdhrī dūṣaṇavarjitā //
dugdhāṃbuvāhinī dohyā divyā divyagatipradā

dyunadī dīnaśaraṇaṃ dehidehanivāriṇī //
drāghīyasī dāghahaṃtrī ditapātakasaṃtatiḥ

dūradeśāṃtaracarī durgamā devavallabhā//
durvṛttaghnī durvigāhyā dayādhārā dayāvatī

durāsadā dānaśīlā drāviṇī druhiṇastutā //
daityadānavasaṃśuddhikartrī durbuddhihāriṇī

dānasārā dayāsārā dyāvābhūmivigāhinī//
dṛṣṭādṛṣṭaphalaprāptirdevatāvṛṃdavaṃditā//

dīrghavratā dīrghadṛṣṭirdīptatoyā durālabhā //
daṃḍayitrī daṃḍanītirduṣṭadaṃḍadharārcitā

durodaraghnī dāvārcirdravadravyaikaśevadhiḥ //
dīnasaṃtāpaśamanī dātrī davathuvairiṇī

darīvidāraṇaparā dāṃtā dāṃtajanapriyā //
dāritādritaṭā durgā durgāraṇyapracāriṇī

dharmadravā dharmadhurā dhenurdhīrā dhṛtirdhruvā //
dhenudānaphalasparśā dharmakāmārthamokṣadā

dharmormivāhinī dhuryā dhātrī dhātrīvibhūṣaṇam //
dharmiṇī dharmaśīlā ca dhanvikoṭikṛtāvanā

dhyātṛpāpaharā dhyeyā dhāvanī dhūtakalmaṣā //
dharmadhārā dharmasārā dhanadā dhanavardhinī

dharmādharmaguṇacchettrī dhattūrakusumapriyā //
dharmeśī dharmaśāstrajñā dhanadhānyasamṛddhikṛt

dharmalabhyā dharmajalā dharmaprasavadharmiṇī //
dhyānagamyasvarūpā ca dharaṇī dhātṛpūjitā

?
dhūrdhūrjaṭijaṭāsaṃsthā dhanyā dhīrdhāraṇāvatī//
naṃdā nirvāṇajananī naṃdinī nunnapātakā //

niṣiddhavighnanicayā nijānaṃdaprakāśinī //
nabhoṃgaṇacarī nūtirnamyā nārāyaṇīnutā

nirmalā nirmalākhyānā nāśinītāpasaṃpadām //
niyatā nityasukhadā nānāścaryamahānidhiḥ

nadīnadasaromātā nāyikā nākadīrghikā //
naṣṭoddharaṇadhīrā ca naṃdanānaṃdadāyinī

nirṇiktāśeṣabhuvanā niḥsaṃgā nirupadravā //
nirālaṃbā niṣprapaṃcā nirṇāśitamahāmalā

nirmalajñānajananī niḥśeṣaprāṇitāpahṛt //
nityotsavā nityatṛptā namaskāryā niraṃjanā

niṣṭhāvatī nirātaṃkā nirlepā niścalātmikā //
niravadyā nirīhā ca nīlalohitamūrdhagā

naṃdibhṛṃgigaṇastutyā nāgānaṃdā nagātmajā //
niṣpratyūhā nākanadī nirayārṇavadīrghanauḥ

puṇyapradā puṇyagarbhā puṇyā puṇyataraṃgiṇī //
pṛthuḥ pṛthuphalā pūrṇā praṇatārtiprabhaṃjinī

prāṇadā prāṇijananī prāṇeśī prāṇarūpiṇī //
padmālayā parāśaktiḥ purajitparamapriyā

parāparaphalaprāptiḥ pāvanī ca payasvinī //
parānaṃdā prakṛṣṭārthā pratiṣṭhāpālanī parā

purāṇapaṭhitā prītā praṇavākṣararūpiṇī //
pārvatīpremasaṃpannā paśupāśavimocanī

paramātmasvarūpā ca parabrahmaprakāśinī //
paramānaṃdaniṣpaṃdā prāyaścittasvarūpiṇī

pānīyarūpanirvāṇā paritrāṇaparāyaṇā //
pāpeṃdhanadavajvālā pāpāriḥ pāpanāmanut

paramaiśvaryajananī prajñā prājñā parāparā //
pratyakṣalakṣmīḥ padmākṣī paravyomāmṛtasravā

prasannarūpā praṇidhiḥ pūtā pratyakṣadevatā //
pinākiparamaprītā pagmeṣṭhikamaṃḍaluḥ

padmanābhapadārghyeṇa prasūtā padmamālinī //
pararddhidā puṣṭikarī pathyā pūrtiḥ prabhāvatī

punānā pītagarbhaghnī pāpaparvatanāśinī //
phalinī phalahastā ca phullāṃbujavilocanā

phālitainomahākṣetrā phaṇilokavibhūṣaṇam //
phenacchalapraṇunnaināḥ phullakairavagaṃdhinī

phenilācchāṃbudhārābhā phuḍuccāṭitapātakā //
phāṇitasvādusalilā phāṃṭapathyajalāvilā

viśvamātā ca viśveśī viśvā viśveśvarapriyā //
brahmaṇyā brahmakṛdbrāhmī brahmiṣṭhā vimalodakā

vibhāvarī ca virajā vikrāṃtānekaviṣṭapā //
viśvamitraṃ viṣṇupadī vaiṣṇavī vaiṣṇavapriyā

virūpākṣapriyakarī vibhūtirviśvatomukhī //
vipāśā vaibudhī vedyā vedākṣararasasravā

vidyāvegavatī vaṃdyā bṛṃhaṇī brahmavādinī //
varadā viprakṛṣṭā ca variṣṭhā ca viśodhanī

vidyādharī viśokā ca vayovṛṃdaniṣevitā //
bahūdakā balavatī vyomasthā vibudhapriyā

vāṇī vedavatī vittā brahmavidyātaraṃgiṇī //
brahmāṃḍakoṭivyāptāṃburbrahmahatyāpahāriṇī

brahmeśaviṣṇurūpā ca buddhirvibhavavardhinī //
vilāsisukhadā vaiśyā vyāpinī ca vṛṣāraṇiḥ

vṛṣāṃkamaulinilayā vipannārtiprabhaṃjinī //
vinītā vinatā bradhnatanayā vinayānvitā

vipaṃcīvādyakuśalā veṇuśrutivicakṣaṇā //
varcaskarī balakarī valonmūlitakalmaṣā

vipāpmā vigatātaṃkā vikalpaparivarjitā //
vṛṣṭikartrī vṛṣṭijalā vidhirvicchinnabaṃdhanā

vratarūpā vittarūpā bahuvighnavināśakṛt //
vasudhārā vasumatī vicitrāṃgī vibhāvasuḥ

vijayā viśvabījaṃ ca vāmadevī varapradā //
vṛṣāśritā viṣaghnī ca vijñānormyaṃśumālinī

bhavyā bhogavatī bhadrā bhavānī bhūtabhāvinī //
bhūtadhātrī bhayaharā bhaktadāridryaghātinī

bhuktimuktipradābheśī bhaktasvargāpavargadā //
bhāgīrathī bhānumatī bhāgyabhogavatī bhṛtiḥ

bhavapriyā bhavadveṣṭī bhūtidā bhūtibhūṣaṇā //
bhālalocanabhāvajñā bhūtabhavyabhavatprabhuḥ

bhrāṃtijñānapraśamanī bhinnabrahmāṃḍamaṃḍapā //
bhūridā bhaktisulabhā bhāgyavaddṛṣṭigocarī

bhaṃjitopaplavakulā bhakṣyabhojyasukhapradā //
bhikṣaṇīyā bhikṣumātā bhāvābhāvasvarūpiṇī //

maṃdākinī mahānaṃdā mātā muktitaṃragiṇī //
mahodayā madhumatī mahāpuṇyā mudākarī

munistutā mohahaṃtrī mahātīrthā madhusravā //
mādhavī māninī mānyā manorathapathātigā

mokṣadā matidā mukhyā mahābhāgyajanāśritā //
mahāvegavatīmedhyā mahāmahimabhūṣaṇā

mahāprabhāvā mahatī mīnacaṃcalalocanā //
mahākāruṇyasaṃpūrṇā maharddhiśca mahotpalā

mūrtimanmuktiramaṇī maṇimāṇikyabhūṣaṇā //
muktākalāpanepathyā manonayananaṃdinī

mahāpātakarāśighnī mahādevārdhahāriṇī //
mahormimālinī muktā mahādevī manonmanī

mahāpuṇyodayaprāpyā māyātimiracaṃdrikā//
mahāvidyā mahāmāyā mahāmedhā mahauṣadham

mālādharī mahopāyā mahoragavibhūṣaṇā //
mahāmohapraśamanī mahāmaṃgalamaṃgalam

mārtaṃḍamaṃḍalacarī mahālakṣmīrmadojjhitā //
yaśasvinī yaśodā ca yogyā yuktātmasevitā

yogasiddhipradā yājyā yajñeśaparipūritā //
yajñeśī yajñaphaladā yajanīyā yaśaskarī

yamisevyā yogayoniryoginī yuktabuddhidā //
yogajñānapradā yuktā yamādyaṣṭāṃgayogayuk

yaṃtritāghaughasaṃcārā yamalokanivāriṇī//
yātāyātapraśamanī yātanānāmakṛṃtanī

yāminīśahimācchodā yugadharmavivarjitā //
revatīratikṛdramyā ratnagarbhā ramā ratiḥ

ratnākarapremapātraṃ rasajñā rasarūpiṇī//
ratnaprāsādagarbhā ca ramaṇīyataraṃgiṇī

ratnārcī rudraramaṇī rāgadveṣavināśinī//
ramā rāmā ramyarūpā rogijīvāturūpiṇī

rucikṛdrocanī ramyā rucirā rogahāriṇī //
rājahaṃsā ratnavatī rājatkallolarājikā

rāmaṇīyakarekhā ca rujārī rogaroṣiṇī//
rākāraṃkārtiśamanī ramyā rolaṃbarāviṇī

rāgiṇīraṃjitaśivā rūpalāvaṇyaśevadhiḥ //
lokaprasūrlokavaṃdyā lolatkallolamālinī

līlāvatī lokabhūmirlokalocanacaṃdrikā //
lekhasravaṃtī laṭabhā laghuvegā laghutvahṛt

lāsyattaraṃgahastā ca lalitā layabhaṃgigā //
lokabaṃdhurlokadhātrī lokottaraguṇorjitā

.
lokatrayahitā lokā lakṣmīrlakṣaṇalakṣitā //
līlālakṣitanirvāṇā lāvaṇyāmṛtavarṣiṇī

vaiśvānarī vāsaveḍyā vaṃdhyatvaparihāriṇī //
vāsudevāṃghrireṇughnī vajrivajranivāriṇī

śubhāvatī śubhaphalā śāṃtiḥ śāṃtanuvallabhā //
śūlinī śaiśavavayāḥ śītalā'mṛtavāhinī

śobhāvatī śīlavatī śoṣitāśeṣakilbiṣā //
śaraṇyā śivadā śiṣṭā śarajanmaprasūḥ śivā

śaktiḥ śaśāṃkavimalā śamanasvasṛsaṃmatā //
śamā śamanamārgaghnī śitikaṃṭhamahāpriyā

śuciḥ śucikarī śeṣā śeṣaśāyipadodbhavā //
śrīnivāsa śrutiḥ śraddhā śrīmatī śrīḥ śubhavratā //

śuddhavidyā śubhāvartā śrutānaṃdā śrutistutiḥ //
śivetaraghnī śabarī śāṃbarīrūpadhāriṇī

śmaśānaśodhanī śāṃtā śaśvacchatadhṛtiṣṭutā //
śālinī śāliśobhāḍhyā śikhivāhanagarbhabhṛt

śaṃsanīyacaritrā ca śātitāśeṣapātakā //
ṣaḍguṇaiśvaryasaṃpannā ṣaḍaṃgaśrutirūpiṇī

ṣaṃḍhatāhāri salilāṣṭyāyannadanadīśatā //
saridvarā ca surasā suprabhā suradīrghikā

svaḥsiṃdhuḥ sarvaduḥkhaghnī sarvavyādhimahauṣadham //
sevyāsiddhiḥ satī sūktiḥ skaṃdasūśca sarasvatī

saṃpattaraṃgiṇī stutyā sthāṇumaulikṛtālayā //
sthairyadā subhagā saukhyā strīṣu saubhāgyadāyinī

svarganiḥśreṇikā sūkṣmā svadhā svāhā sudhājalā //
samudrarūpiṇī svargyā sarvapātakavairiṇī

smṛtāghahāriṇī sītā saṃsārābdhitaraṃḍikā //
saubhāgyasuṃdarī saṃdhyā sarvasārasamanvitā

harapriyā hṛpīkeśī haṃsarūpā hiraṇmayī //
hṛtāghasaṃghā hitakṛddhelā helāghagarvahṛt

kṣemadā kṣālitāghaughā kṣudravidrāviṇī kṣamā //
iti nāmasahasraṃ hi gaṃgāyāḥ kalaśodbhava //
kīrtayitvā naraḥ samyaggaṃgāsnānaphalaṃ labhet

sarvapāpapraśamanaṃ sarvavighna vināśanam //
sarvastotrajapācchreṣṭhaṃ sarvapāvanapāvanam

śraddhayābhīṣṭaphaladaṃ caturvargasamṛddhikṛt //
sakṛjjapādavāpnoti hyekakratuphalaṃmune

sarvatīrtheṣu yaḥ snātaḥ sarvayajñeṣu dīkṣitaḥ //
tasya yatphalamuddiṣṭaṃ trikālapaṭhanācca tat

sarvavrateṣu yatpuṇyaṃ samyakcīrṇeṣu vāḍava //
tatphalaṃ samavāpnoti trisaṃdhyaṃ niyataḥ paṭhan

snānakāle paṭhedyastu yatrakutra jalāśaye //
tatra sannihitā nūnaṃ gaṃgā tripathagā mune

śreyorthī labhate śreyo dhanārthī labhate dhanam //
kāmī kāmānavāpnoti mokṣārthī mokṣamāpnuyāt

varṣaṃ trikālapaṭhanācchraddhayā śucimānasaḥ //
ṛtukālābhigamanādaputraḥ putravānbhavet

nākālamaraṇaṃ tasya nāgnicorāhi sādhvasam //
nāmnāṃ sahasraṃ gaṃgāyā yo japecchraddhayā mune

gaṃgā nāma sahasraṃ tu japtvā grāmāṃtaraṃ vrajet //
kāryasiddhimavāpnoti nirvighno gehamāviśet

tithivārarkṣayogānāṃ na doṣaḥ prabhavettadā //
yadā japtvā vrajedetatstotraṃ grāmāṃtaraṃ naraḥ

āyurārogyajananaṃ sarvopadravanāśanam//
sarvasiddhikaraṃ puṃsāṃ gaṃgānāmasahasrakam

janmāṃtara sahasreṣu yatpāpaṃ samyagarjitam //
gaṃgānāmasahasrasya japanāttatkṣayaṃ vrajet

brahmaghno madyapaḥ svarṇasteyī ca gurutalpagaḥ //
tatsaṃyogī bhrūṇahaṃtā mātṛhā pitṛhā mune

viśvāsaghātī garadaḥ kṛtaghno mitraghātakaḥ //
agnido govadhakaro gurudravyāpahārakaḥ

mahāpātakayuktopi saṃyuktopyupapātakaiḥ //
mucyate śraddhayā japtvā gaṃgā nāma sahasrakam

ādhivyādhiparikṣipto ghora tāpa pariplutaḥ //
mucyate sarvaduḥkhebhyaḥ stavasyāsyānukīrtanāt

saṃvatsareṇa yuktātmā paṭhanbhaktiparāyaṇaḥ //
abhīpsitāṃ labhetsiddhiṃ sarvaiḥ pāpaiḥ pramucyate

saṃśayāviṣṭacittasya dharmavidveṣiṇopi ca //
dāṃbhikasyāpi hiṃsrasya ceto dharmaparaṃ bhavet

varṇāśramapathīnastu kāmakrodhavivarjitaḥ //
yatphalaṃ labhate jñānī tadāpnotyasya kīrtanāt

gāyatryayutajapyena yatphalaṃ samupārjitam //
sakṛtpaṭhanataḥ samyaktadaśeṣamavāpnuyāt

gāṃ dattvā vedaviduṣe yatphalaṃ labhate kṛtī //
tatpuṇyaṃ samyagākhyātaṃ stavarājasakṛjjapāt

guruśuśrūṣaṇaṃ kurvanyāvajjīvaṃ narottamaḥ//
yatpuṇyamarjayettadbhāgvarṣaṃ triṣavaṇaṃ japan

vedapārāyaṇātpuṇyaṃ yadatra paripaṭhyate //
tatṣaṇmāsena labhate trisaṃdhyaṃ parikīrtanāt

gaṃgāyāḥ stavarājasya pratyahaṃ pariśīlanāt //
śivabhaktimavāpnoti viṣṇubhakto'thavā bhavet

yaḥ kīrtayedanudinaṃ gaṃgānāmasahasrakam //
tatsamīpe sahacarī gaṃgādevī sadā bhavet

sarvatra pūjyo bhavati sarvatra vijayī bhavet //
sarvatra sukhamāpnoti jāhnavīstotrapāṭhataḥ

sadācārī sa vijñeyaḥ saśucistu sadaiva hi //
kṛtasarvasurārcaḥ sa kīrtayedya imāṃ stutim

tasmiṃstṛpte bhavettṛptā jāhnavī nātra saṃśayaḥ //
tasmātsarvaprayatnena gaṃgābhaktaṃ samarcayet

stavarājamimaṃ gāṃgaṃ śṛṇuyādyaśca vai paṭhet //
śrāvayedatha tadbhaktāndaṃbhalobha vivarjitaḥ

mucyate trividhaiḥ pāpairmanovākkāya saṃbhavaiḥ //
kṣaṇānniṣpāpatāmeti pitṝṇāṃ ca priyo bhavet

sarvadevapriyaścāpi sarvarṣigaṇasaṃmataḥ //
aṃte vimānamāruhya divyastrīśatasaṃvṛtaḥ

divyābharaṇasaṃpanno divyabhogasamanvitaḥ //
naṃdanādivane svairaṃ devavatsa pramodate

bhujyamāneṣu vipreṣu śrāddhakāle viśeṣataḥ //
japannidaṃ mahāstotraṃ pitṝṇāṃ tṛptikārakam

yāvaṃti tatra sikthāni yāvaṃtoṃ'bukaṇāḥ sthitāḥ //
tāvaṃtyeva hi varṣāṇi modaṃte svaḥ pitāmahāḥ

yathā prīṇaṃti pitaro gaṃgāyāṃ piṃḍadānataḥ //
tathaiva tṛpnuyuḥ śrāddhe stavasyāsyānusaṃśravāt

etatstotraṃ gṛhe yasya likhitaṃ paripūjyate //
tatra pāpabhayaṃ nāsti śuci tadbhavanaṃ sadā

agaste kiṃbahūktena śṛṇu me niścitaṃ vacaḥ //
saṃśayo nātra kartavyaḥ saṃdigdhe(?)raphalaṃ nahi

(saṃdegdhari)
yāvaṃti martye stotrāṇi maṃtrajālānyanekaśaḥ //
tāvaṃti stavarājasya gāṃgeyasya samāni na

yāvajjanma japedyastu nāmnāmetatsahasrakam//
sa kīkaṭeṣvapi mṛto na punargarbhamāviśet

nityaṃ niyamavānetadyo japetstotramuttamam //
anyatrāpi vipannaḥ sa gaṃgātīre mṛto bhavet

etatstotravaraṃ ramyaṃ purā proktaṃ pinākinā //
viṣṇave nijabhaktāya muktibījākṣarāspadam

gaṃgāsnānapratinidhiḥ stotrametanmayeritam//
sisnāsurjāhnavīṃ tasmādetatstotraṃ japetsudhīḥ

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe gaṃgāsahasranāmakathanaṃnāmaikonatriṃśattamo'dhyāyaḥ