Shiva Purana · Chapter 3.34

nandīśvara uvāca //
sanatkumāra sarvajña śivasya paramātmanaḥ / /
avatāraṃ śṛṇu vibhossunartakanaṭāhvayam/ / १ / /
yadā hi kālikā devī pārvatī himavatsutā //
tepe tapastuvimalaṃ vanaṃ gatvā śivāptaye / / २ / /
tadā śivaḥ prasanno bhūttasyāssutapaso mune / /
tadvṛttasuparīkṣārthaṃ varaṃ dātummudā yayau

svarūpandarśayāmāsa tasyai suprītamānasaḥ //
varambrūhīti covāca tāṃ śivāṃ śaṃkaro mune / /४/ /
tacchrutvā śambhuvacanaṃ dṛṣṭvā tadrūpamuttamam / /
sujaharṣa śivātīva prāha taṃ supraṇamya sā / /५/ /
pārvatyuvāca //
yadi prasanno deveśa mahyaṃ deyo varo yadi / /
patirbhava mameśāna kṛpāṃ kuru mamopari //६/ /
piturgṛhe mayā samyaggamyate tvadanujñayā //
gantavyambhavatā nātha matpituḥ pārśvataḥ prabho / /७//
yācasva māntato bhikṣuḥ khyāpayaṃśca yaśaḥ śubham //
piturme saphalaṃ sarvaṃ kuru prītyā gṛhā śramam/ / ८/ /
tato yathoktavidhinā kartumarhasi bho prabho //
vivāhaṃ tvaṃ maheśāna devānāṃ kāryyasiddhaye

kāmaṃ me pūraya vibho nirvikāro bhavānsadā / /
bhaktavatsalanāmā hi tava bhaktāsmyamahaṃ sadā / / 3.34.१० //
nandīśvara uvāca //
ityuktassa tayā śaṃbhurmaheśo bhaktavatsalaḥ //
tathāstviti vacaḥ procyāntarhitassvagiriṃ yayau

pārvatyapi tataḥ prītyā svasakhībhyāṃ vayonvitā //
jagāma svapiturgehaṃ rūpaṃ kṛtvā tu sārthakam/ / १ २//
pārvatyāgamanaṃ śrutvā menayā sa himācalaḥ //
parivārayuto draṣṭuṃ svasutāṃ tāṃ yayau mudā// १ ३//
dṛṣṭvā tāṃ suprasannāsyāmānayāmāsaturgṛham //
kārayāmāsatuḥ prītyā mahānandī mahotsavam

.
dhanandadau dvijādibhyo menāgirivarastathā //
maṃgalaṃ kārayāmāsa savedadhvanimādarāt

tataḥ svakanyayā sārddhamuvāsa prāṃgaṇe mudā //
menā ca himavāñchailaḥ snātuṃ gaṃgāṃ jagāma saḥ

etasminnantare śambhuḥ sulīlo bhaktavatsalaḥ//
sunartakanaṭo bhūtvā menakāsannidhiṃ yayau

śṛṃgaṃ vāme kare dhṛtvā dakṣiṇe ḍamaruntathā//
pṛṣṭhe kanthāṃ raktavāsā nṛtyagānaviśāradaḥ

tatastu naṭarūpo'sau menakāprāṃgaṇe mudā //
cakre sa nṛtyaṃ vividhaṃ gānañcāti/ manoharam

śṛṃgañca ḍamaruntatra vādayāmāsa sudhvanim //
mahotiṃ vividhāmprītyā sa cakāra manoharām

tandraṣṭuṃ nāgarāssarve puruṣāśca striyastathā //
ājagmussahasā tatra bālā vṛddhā api dhruvam

śrutvā saṃgītaṃ tandṛṣṭvā sunṛtyaṃ ca manoharam//
sahasā murmuhuḥ sarve menāpi ca tadā mune

tato menāśu ratnāni svarṇapātrasthitāni ca //
tasmai dātuṃ yayau prītyā tadūtiprī tamānasā

tāni na svīcakārāsau bhikṣāṃ cete śivāṃ ca tām //
punastu nṛtyaṃ gānaṃ ca kautukātkartumudyataḥ

menā tadvacanaṃ śrutvā cukopāti suvismitā //
bhikṣukambhartsayāmāsa bahiṣkartumiyeṣa sā

etasminnantare tatra gaṃgāto girirāḍyayau //
dadarśa purato bhikṣuṃ prāṃgaṇasthaṃ narākṛtim

śrutvā menāmukhādvṛttantatsarvaṃ sucukopa saḥ //
ājñāṃ cakārānucarānbahiḥ kartuṃ ca bhikṣukam

mahāgnimiva duḥsparśaṃ prajvalantaṃ sutejasam //
na śaśāka bahiḥ kartuṃ ko'pi taṃ munisattama

tataḥ sa bhikṣukastāta nānālīlāviśāradaḥ //
darśayāmāsa śailāya svaprabhāvamanantakam

śailo dadarśa tantatra viṣṇurūpadharandrutam //
tato brahmasvarūpaṃ ca sūryyarūpaṃ tataḥ kṣaṇāt

tato dadarśa taṃ tāta rudrarūpaṃ mahādbhutam //
pārvatī sahitaṃ ramyaṃ vihasantaṃ sutejasam

evaṃ subahurūpāṇi tasya tatra dadarśa saḥ //
suvismito babhūvāśu paramānandasaṃplutaḥ

athāsau bhikṣuvaryo hi tasmāttasyāśca sūtikṛt //
bhikṣāṃ yayāce durgāntānnānyajjagrāha kiñcana

tataścāntardadhe bhikṣusvarūpaḥ parameśvaraḥ //
svālayaṃ sa jagāmāśu durgāvākyapraṇoditaḥ

tadā babhūva sujñānaṃ menāśaileśayorapi //
āvāṃ śivo vañcayitvā gatavānsvālayaṃ vibhuḥ

asmai deyā svakanyeyaṃ pārvatī sutapa svinī //
evaṃ vicārya ca tayoḥ śivebhaktirabhūtparā

ato rudro mahotīśca kṛtvā bhaktamudāvaham //
vivāhaṃ kṛtavānprītyā pārvatyā sa vidhānataḥ

iti proktastu te tāta sunartakanaṭāhvayaḥ //
śivāvatāro hi mayā śivāvākyaprapūrakaḥ

idamākhyānamanaghaṃ paramaṃ vyāhṛtammayā//
ya etacchṛṇuyātprītyā sa sukhī gatimāpnuyāt

iti śrīśivamahāpurāṇe tṛtīyāyāṃ śatarudrasaṃhitāyāṃ sunartakanaṭāhvaśivāvatāravarṇanaṃnāma catustriṃśodhyāyaḥ