Shiva Purana · Chapter 2.5.56

// nārada uvāca //
kṛṣṇe gate dvārakāyāma niruddhena bhāryayā //
akārṣītkiṃ tato bāṇastattvaṃ vada mahāmune

sanatkumāra uvāca//
kṛṣṇe gate dvārakāyāmaniruddhena bhāryayā //
duḥkhito'bhūttato bāṇassvājñānaṃ saṃsmaranhṛdā

tato nandīśivagaṇo bāṇaṃ provāca duḥkhitam //
daityaṃ śoṇitadigdhāṃgamanutā pasamanvitam

// nandīśvara uvāca //
bāṇa śaṃkarasadbhakta mānutāpaṃ kuruṣva bhoḥ //
bhaktānukaṃpī śaṃbhurvai bhaktavatsalanāmadhṛk

tadicchayā ca yajjātaṃ tajjātamiti cetasā //
manyasva bhaktaśārdūla śivaṃ smara punaḥpunaḥ

mana ādye samādhāya kuru nityaṃ maho tsavam //
bhaktānukaṃpanaścā'sya śaṃkarasya punaḥpunaḥ

nandivākyāttato bāṇo dviṣā śīrṣakamātrakaḥ//
śivasthānaṃ jagāmāśu dhṛtvā dhairyaṃ mahāmanāḥ

gatvā tatra prabhuṃ natvā rurodātīva vihvalaḥ //
gatagarvavrajo bāṇaḥ premākulitamānasaḥ

saṃstuvanvividhaiḥ stotrai ssaṃnamannutitastathā //
yathocitaṃ pādaghātaṃ kurvanvikṣepayankarān

nanarta tāṃḍavaṃ mukhyaṃ pratyālīḍhādiśobhitam //
sthānakairvividhākārairālīḍhapramukhairapi

sukhavādasahasrāṇi bhrūkṣepasahitānyapi //
śiraḥkampasahasrāṇi prāptānīkaḥ sahasraśaḥ

//
vārīśca vividhākārā darśayitvā śanaiśśanaḥ //
tathā śoṇitadhārābhissiñcayitvā mahītalam

rudraṃ prasādayāmāsa śūlinaṃ candra śekharam //
bāṇāsuro mahābhakto vismṛtātmagatirnataḥ

tato nṛtyaṃ mahatkṛtvā bhagavānbhaktavatsalaḥ //
uvāca bāṇaṃ saṃhṛṣṭo nṛtya gītapriyo haraḥ

rudra uvāca //
bāṇa tāta baleḥ putra saṃtuṣṭo nartanena te //
varaṃ gṛhāṇa daityendra yatte manasi vartate

sanatkumāra uvāca //
ityākarṇya vacaśśaṃmbhordaityendreṇa tadā mune //
bāṇena saṃvṛṇīto'bhūdvarastu vraṇaropaṇe

bāhuyuddhasya coddha ttirgāṇapatyamathākṣayam //
uṣāputrasya rājyaṃ tu tasmiñśoṇitakāhvaye

nirvairatā ca vibudhairviṣṇunā ca viśeṣataḥ//
na punardaityatā duṣṭā rajasā tamasā yutā // १८
śaṃbhubhaktirviśeṣeṇa nirvikārā sadā mune //
śivabhakteṣu ca sneho dayā sarveṣu jaṃtuṣu

१९/
kṛtvā varāñśaṃbhorbaliputro mahā'suraḥ//
premṇā'śrunayano rudraṃ tuṣṭāva sukṛtāṃjaliḥ

//
bāṇa uvāca//
devadeva mahādeva śaraṇā gatavatsala //
tvāṃ namāmi maheśāna dīnabandho dayānidhe

kṛtā mayi kṛpātīva kṛpāsāgara śaṃkara //
garvopahāritassarvaḥ prasannena mama prabho

tvaṃ brahma paramātmā hi sarvavyāpyakhileśvaraḥ //
brahmāṃḍatanurugreśo virāṭ sarvānvitaḥ paraḥ

nābhirnabho'gnirvadanamaṃbu reto diśaḥ śrutiḥ //
dyauśśīrṣamaṃghrirurvī te manaścandrastava prabho

dṛgarko jaṭharaṃ vārddhirbhujeṃdro dhiṣaṇā vidhiḥ //
prajāpatirvisargaśca dharmo hi hṛdayaṃ tava

romāṇyauṣadhayo nātha keśā jalamucastava//
guṇāstrayastrinetrāṇi sarvātmā puruṣo bhavān

brāhmaṇaṃ te mukhaṃ prāhurbāhuṃ kṣatriyameva ca //
ūrujaṃ vaiśyamāhuste pādajaṃ śūdrameva ca

tvameva sarvadopāsyassarvairjīvairmaheśvara //
tvāṃ bhajanparamāṃ muktiṃ labhate puruṣo dhruvam

yastvāṃ visṛjate martya ātmānaṃ priyamīśvaram //
viparyayendriyārthārthaṃ viṣamattyamṛtaṃ tyajan

viṣṇurbrahmā'tha vibudhā munayaścāmalāśayāḥ //
sarvātmanā prapannāstvāṃ śaṃkaraṃ priyamīśvaram

sanatkumāra uvāca //
ityuktvā baliputrastu virarāma śarāsuraḥ //
premapraphullitāṃgaśca praṇamya sa maheśvaram

iti śrutvā svabhaktasya bāṇasya bhagavānbhavaḥ //
sarvaṃ labhiṣyasītyuktvā tatraivāṃtaradhīyata

tataśśaṃbhoḥ prasādena mahākālatvamāgataḥ //
rudrasyānucaro bāṇo mahāpramudito'bhavat

iti kila śaranāmnaḥ śaṃkarasyāpi vṛttaṃ sakalaguru janānāṃ sadgurośśūlapāṇeḥ // kathitamiha variṣṭhaṃ śrotraramyairvacobhissakalabhuvanamadhye krīḍamānasya nityam

iti śrīśivamahāpurāṇe dvitī yāyāṃ rudrasaṃhitāyāṃ paṃ० yuddhakhaṃḍe bāṇāsuragaṇapatvaprāptivarṇanaṃ nāma ṣaṭpaṃcāśattamo'dhyāyaḥ