Shatapatha Brahmana · Chapter 1.3

brāhmaṇa

dravyasaṃskārāḥ, tatra prathamaṃ sruksruvādipātrasammārgaḥ, patnīsannahanaṃ, patnīkartṛkamājyāvekṣaṇam, patnyāḥ sannidhāne gārhapatya ajyādhiśrayaṇaṃ, rajodarśanādinimittavaśāttasyā asannidhāna āhavanīya ājyādhiśrayaṇamiti vivekaḥ, pavitrābhyāmājyaprokṣaṇyutpavanaṃ, sārthavādamadhvaryukartṛkamājyāvekṣaṇaṃ, yajñe ṛtvigbhirāśaṃ- sitānāmāśiṣāṃ yajamānagāmitvarūpahetunā yajamānakartṛkājyāvekṣaṇa- pratyākhyānamityādi.
brāhmaṇa

yajñasya puruṣatādātmyena stutiḥ, ājyetarahaviṣāṃ tattaddevatānāmādiśya grahaṇam, ājyasya tvanādiśya grahaṇamiti vivekaḥ, sārthavādaṃ saprayojanaṃ juhū'pabhṛddhruvāsu kramā- ccaturaṣṭacaturvāramājyagrahaṇam, ājyagrahaṇīyasaṃkhyāyā nyaunādhikyaprasaṃgena parimitāparimitabhojanena vīryabalayoḥ samṛddhyasamṛddhī, jauhavamaupabhṛtaṃ cājyaṃ juhvaiva hotavyam, upabhṛto homasādhanatvābhāve tatrājyādānaṃ kimarthamityākṣipya tannirasanam, dhrauvājyasya sarvārthatānirūpaṇaṃ, sruktraye'pyājyagrahaṇe sakṛnmaṃtravacanavidhirityādi.
brāhmaṇa

idhmabarhirvedīnāṃ prokṣaṇaṃ, vedyāṃ barhistaraṇaṃ, tatra vedyā yoṣitsāmyamupavarṇya nīvyādikaṃ ca saṃpādya barhistaraṇarūpavāsasā tasyā nagnatvaparihāraḥ, śikhārūpaṃ prastaramupari dhṛtvā''havanīyakalpanādi, paridhiparidhānaṃ, tatra paridhyutpattyākhyāyikā, bahiṣparidhi skannasya haviṣo'bhimarśanaṃ paridhirūpeṇāvasthitānāṃ bhūpatyādidevānāṃ
bhāgatvenopapādanaṃ ca, idhmāvayavāḥ paridhaya ityekīyamatanirasanaṃ, paridhyupādānabhūtāḥ palāśādyāḥ vṛkṣāḥ ityādi
brāhmaṇa

paridhīnāmārdratvaṃ pratipādya paridhānakramaḥ, pūrvottarāghārasamidhorabhyādhānaṃ, tadarthavādaḥ, abhyādhānajapaḥ, sāmidhenyanuvacanāvasare'nuyājārthamekasyāstṛtīyasyāḥ samidho'vaśeṣaṇaṃ, vidhṛtināmanirvacanasahitaṃ vidhṛtyorāsādanaṃ, tayoḥ prastaranidhānābhinidhāne, ājyapūrṇānāṃ juhvābhidisrucāṃ saṃsthānaviśeṣeṇa vedyāmāsādanam, āsannānāmājyādihaviṣāmabhimarśanam, adhvaryorātmālaṃbhaścetyādi.
brāhmaṇa

sāmidhenyanuvacanaṃ, tatredhmasābhidhenīnāmnornirvacanaṃ, sāmidhenyanuvacanapraiṣastatra hotṛpadamapyupādeyamityekīyamatanirasanaṃ taddhetuśca, sāmidhenīnāmṛcāṃ chandodevatāsaṃkhyādikaṃ, paṃcadaśo vajra ityasyopapattiḥ, tatsambandhyābhicārikaḥ prayogaḥ, sāmidhenīnāmṛcāṃ saṃkhyāsāmyātpakṣasya rātryātmanā sampattiḥ, akṣarasaṃkhyāsāmyācca ṣaṣṭyuttaratriśatasaṃvasarāhaḥsampattiḥ, kāmyeṣṭiṣu sāmidhenīsaṃkhyā, kāmyeṣṭīnāṃ pradhānayāgasyopāṃśutvam, upāṃśulakṣaṇaṃ ca, darśapūrṇamāse gataśrerevaikaviṃśatya sāmidhenya iti saphalaṃ vyavasthāpanaṃ, sāmidhenyanuvacane'na- vānattvasāntatyādidharmaviśeṣānukathanaṃ, tadarthavādādikaṃ ceti.