શતપથબ્રાહ્મણમ્ · અધ્યાય 1.3

બ્રાહ્મણ

દ્રવ્યસંસ્કારાઃ, તત્ર પ્રથમં સ્રુક્સ્રુવાદિપાત્રસમ્માર્ગઃ, પત્નીસન્નહનં, પત્નીકર્તૃકમાજ્યાવેક્ષણમ્, પત્ન્યાઃ સન્નિધાને ગાર્હપત્ય અજ્યાધિશ્રયણં, રજોદર્શનાદિનિમિત્તવશાત્તસ્યા અસન્નિધાન આહવનીય આજ્યાધિશ્રયણમિતિ વિવેકઃ, પવિત્રાભ્યામાજ્યપ્રોક્ષણ્યુત્પવનં, સાર્થવાદમધ્વર્યુકર્તૃકમાજ્યાવેક્ષણં, યજ્ઞે ઋત્વિગ્ભિરાશં- સિતાનામાશિષાં યજમાનગામિત્વરૂપહેતુના યજમાનકર્તૃકાજ્યાવેક્ષણ- પ્રત્યાખ્યાનમિત્યાદિ.
બ્રાહ્મણ

યજ્ઞસ્ય પુરુષતાદાત્મ્યેન સ્તુતિઃ, આજ્યેતરહવિષાં તત્તદ્દેવતાનામાદિશ્ય ગ્રહણમ્, આજ્યસ્ય ત્વનાદિશ્ય ગ્રહણમિતિ વિવેકઃ, સાર્થવાદં સપ્રયોજનં જુહૂઽપભૃદ્ધ્રુવાસુ ક્રમા- ચ્ચતુરષ્ટચતુર્વારમાજ્યગ્રહણમ્, આજ્યગ્રહણીયસંખ્યાયા ન્યૌનાધિક્યપ્રસંગેન પરિમિતાપરિમિતભોજનેન વીર્યબલયોઃ સમૃદ્ધ્યસમૃદ્ધી, જૌહવમૌપભૃતં ચાજ્યં જુહ્વૈવ હોતવ્યમ્, ઉપભૃતો હોમસાધનત્વાભાવે તત્રાજ્યાદાનં કિમર્થમિત્યાક્ષિપ્ય તન્નિરસનમ્, ધ્રૌવાજ્યસ્ય સર્વાર્થતાનિરૂપણં, સ્રુક્ત્રયેઽપ્યાજ્યગ્રહણે સકૃન્મંત્રવચનવિધિરિત્યાદિ.
બ્રાહ્મણ

ઇધ્મબર્હિર્વેદીનાં પ્રોક્ષણં, વેદ્યાં બર્હિસ્તરણં, તત્ર વેદ્યા યોષિત્સામ્યમુપવર્ણ્ય નીવ્યાદિકં ચ સંપાદ્ય બર્હિસ્તરણરૂપવાસસા તસ્યા નગ્નત્વપરિહારઃ, શિખારૂપં પ્રસ્તરમુપરિ ધૃત્વાઽઽહવનીયકલ્પનાદિ, પરિધિપરિધાનં, તત્ર પરિધ્યુત્પત્ત્યાખ્યાયિકા, બહિષ્પરિધિ સ્કન્નસ્ય હવિષોઽભિમર્શનં પરિધિરૂપેણાવસ્થિતાનાં ભૂપત્યાદિદેવાનાં
ભાગત્વેનોપપાદનં ચ, ઇધ્માવયવાઃ પરિધય ઇત્યેકીયમતનિરસનં, પરિધ્યુપાદાનભૂતાઃ પલાશાદ્યાઃ વૃક્ષાઃ ઇત્યાદિ
બ્રાહ્મણ

પરિધીનામાર્દ્રત્વં પ્રતિપાદ્ય પરિધાનક્રમઃ, પૂર્વોત્તરાઘારસમિધોરભ્યાધાનં, તદર્થવાદઃ, અભ્યાધાનજપઃ, સામિધેન્યનુવચનાવસરેઽનુયાજાર્થમેકસ્યાસ્તૃતીયસ્યાઃ સમિધોઽવશેષણં, વિધૃતિનામનિર્વચનસહિતં વિધૃત્યોરાસાદનં, તયોઃ પ્રસ્તરનિધાનાભિનિધાને, આજ્યપૂર્ણાનાં જુહ્વાભિદિસ્રુચાં સંસ્થાનવિશેષેણ વેદ્યામાસાદનમ્, આસન્નાનામાજ્યાદિહવિષામભિમર્શનમ્, અધ્વર્યોરાત્માલંભશ્ચેત્યાદિ.
બ્રાહ્મણ

સામિધેન્યનુવચનં, તત્રેધ્મસાભિધેનીનામ્નોર્નિર્વચનં, સામિધેન્યનુવચનપ્રૈષસ્તત્ર હોતૃપદમપ્યુપાદેયમિત્યેકીયમતનિરસનં તદ્ધેતુશ્ચ, સામિધેનીનામૃચાં છન્દોદેવતાસંખ્યાદિકં, પંચદશો વજ્ર ઇત્યસ્યોપપત્તિઃ, તત્સમ્બન્ધ્યાભિચારિકઃ પ્રયોગઃ, સામિધેનીનામૃચાં સંખ્યાસામ્યાત્પક્ષસ્ય રાત્ર્યાત્મના સમ્પત્તિઃ, અક્ષરસંખ્યાસામ્યાચ્ચ ષષ્ટ્યુત્તરત્રિશતસંવસરાહઃસમ્પત્તિઃ, કામ્યેષ્ટિષુ સામિધેનીસંખ્યા, કામ્યેષ્ટીનાં પ્રધાનયાગસ્યોપાંશુત્વમ્, ઉપાંશુલક્ષણં ચ, દર્શપૂર્ણમાસે ગતશ્રેરેવૈકવિંશત્ય સામિધેન્ય ઇતિ સફલં વ્યવસ્થાપનં, સામિધેન્યનુવચનેઽન- વાનત્ત્વસાન્તત્યાદિધર્મવિશેષાનુકથનં, તદર્થવાદાદિકં ચેતિ.