Scripture Library
Sārdhatriśatikālottarāgama · Chapter 6
6.1
ataḥ paraṃ pravakṣyāmi agnikāryavidhiṃ kramāt
astreṇollekhanaṃ kuryād varmaṇābhyukṣaṇaṃ tataḥ //
6.2
śaktinyāsaṃ tato darbhair hṛdayenaiva kārayet
hṛdā vai śaktigarbhe tu prakṣipejjātavedasam //
6.3
garbhādhānādikaṃ kṛtvā niṣkṛtiṃ cāpyapaścimām
hṛdayenaiva mantrajñaḥ sarvakarmāṇi kārayet //
6.4
paścātpadmavidhānaṃ tu prāguktaṃ parikalpayet
śivādisarvamantrāṃśca homayedanupūrvaśaḥ //
Original text: Sārdhatriśatikālottarāgama · Edition: N.R. Bhatt: Sardhatrisatikalottaragama, avec le commentaire de Bhatta Ramakantha. Pondicherry : Institut Francais d'Indologie 1979. (Publications de l'Institut Francais d'Indologie, 61) · Data entry Dominic Goodall · GRETIL (Göttingen) · CC BY-NC-SA 4.0