સાર્ધત્રિશતિકાલોત્તરાગમ · અધ્યાય 6

અતઃ પરં પ્રવક્ષ્યામિ અગ્નિકાર્યવિધિં ક્રમાત્
અસ્ત્રેણોલ્લેખનં કુર્યાદ્ વર્મણાભ્યુક્ષણં તતઃ ॥

શક્તિન્યાસં તતો દર્ભૈર્ હૃદયેનૈવ કારયેત્
હૃદા વૈ શક્તિગર્ભે તુ પ્રક્ષિપેજ્જાતવેદસમ્ ॥

ગર્ભાધાનાદિકં કૃત્વા નિષ્કૃતિં ચાપ્યપશ્ચિમામ્
હૃદયેનૈવ મન્ત્રજ્ઞઃ સર્વકર્માણિ કારયેત્ ॥

પશ્ચાત્પદ્મવિધાનં તુ પ્રાગુક્તં પરિકલ્પયેત્
શિવાદિસર્વમન્ત્રાંશ્ચ હોમયેદનુપૂર્વશઃ ॥