Scripture Library
Sārdhatriśatikālottarāgama · Chapter 4
4.1
bhasmasnānaṃ pravakṣyāmi tadūrdhvaṃ ca ṣaḍānana
mantraiḥ sarvaiḥ sakṛdbhasma abhimantrya yathākramam //
4.2
jalasnānaṃ purā kṛtvā astrabījena ṣaṇmukha
vidhisnānaṃ tataḥ kuryān mūrdhna ārabhya mantravit //
4.3
īśānena śiraḥ snāyān mukhaṃ tatpuruṣeṇa tu
hṛdayaṃ bahurūpeṇa guhyaṃ vai guhyakena tu //
4.4
sarvāṅgāṇi tvajātena abhiṣekaṃ tu pañcabhiḥ
upariṣṭātprasādena snānaṃ kurvīta ṣaṇmukha //
Original text: Sārdhatriśatikālottarāgama · Edition: N.R. Bhatt: Sardhatrisatikalottaragama, avec le commentaire de Bhatta Ramakantha. Pondicherry : Institut Francais d'Indologie 1979. (Publications de l'Institut Francais d'Indologie, 61) · Data entry Dominic Goodall · GRETIL (Göttingen) · CC BY-NC-SA 4.0