Rig Veda · Chapter 10.161

muñcāmi tvā haviṣā jīvanāya kam ajñātayakṣmād uta rājayakṣmāt |
grāhir jagrāha yadi vaitad enaṁ tasyā indrāgnī pra mumuktam enam ||

yadi kṣitāyur yadi vā pareto yadi mṛtyor antikaṁ nīta eva |
tam ā harāmi nirṛter upasthād aspārṣam enaṁ śataśāradāya ||

sahasrākṣeṇa śataśāradena śatāyuṣā haviṣāhārṣam enam |
śataṁ yathemaṁ śarado nayātīndro viśvasya duritasya pāram ||

śataṁ jīva śarado vardhamānaḥ śataṁ hemantāñ chatam u vasantān |
śatam indrāgnī savitā bṛhaspatiḥ śatāyuṣā haviṣemam punar duḥ ||

āhārṣaṁ tvāvidaṁ tvā punar āgāḥ punarnava |
sarvāṅga sarvaṁ te cakṣuḥ sarvam āyuś ca te 'vidam ||