Rig Veda · Chapter 10.144

ayaṁ hi te amartya indur atyo na patyate |
dakṣo viśvāyur vedhase ||

ayam asmāsu kāvya ṛbhur vajro dāsvate |
ayam bibharty ūrdhvakṛśanam madam ṛbhur na kṛtvyam madam ||

ghṛṣuḥ śyenāya kṛtvana āsu svāsu vaṁsagaḥ |
ava dīdhed ahīśuvaḥ ||

yaṁ suparṇaḥ parāvataḥ śyenasya putra ābharat |
śatacakraṁ yo3 'hyo vartaniḥ ||

yaṁ te śyenaś cārum avṛkam padābharad aruṇam mānam andhasaḥ |
enā vayo vi tāry āyur jīvasa enā jāgāra bandhutā ||

evā tad indra indunā deveṣu cid dhārayāte mahi tyajaḥ |
kratvā vayo vi tāry āyuḥ sukrato kratvāyam asmad ā sutaḥ ||