Rig Veda · Chapter 10.143

tyaṁ cid atrim ṛtajuram artham aśvaṁ na yātave |
kakṣīvantaṁ yadī punā rathaṁ na kṛṇutho navam ||

tyaṁ cid aśvaṁ na vājinam areṇavo yam atnata |
dṛḻhaṁ granthiṁ na vi ṣyatam atriṁ yaviṣṭham ā rajaḥ ||

narā daṁsiṣṭhāv atraye śubhrā siṣāsataṁ dhiyaḥ |
athā hi vāṁ divo narā punaḥ stomo na viśase ||

cite tad vāṁ surādhasā rātiḥ sumatir aśvinā |
ā yan naḥ sadane pṛthau samane parṣatho narā ||

yuvam bhujyuṁ samudra ā rajasaḥ pāra īṅkhitam |
yātam acchā patatribhir nāsatyā sātaye kṛtam ||

ā vāṁ sumnaiḥ śaṁyū iva maṁhiṣṭhā viśvavedasā |
sam asme bhūṣataṁ narotsaṁ na pipyuṣīr iṣaḥ ||