Rig Veda · Chapter 10.145

imāṁ khanāmy oṣadhiṁ vīrudham balavattamām |
yayā sapatnīm bādhate yayā saṁvindate patim ||

uttānaparṇe subhage devajūte sahasvati |
sapatnīm me parā dhama patim me kevalaṁ kuru ||

uttarāham uttara uttared uttarābhyaḥ |
athā sapatnī yā mamādharā sādharābhyaḥ ||

nahy asyā nāma gṛbhṇāmi no asmin ramate jane |
parām eva parāvataṁ sapatnīṁ gamayāmasi ||

aham asmi sahamānātha tvam asi sāsahiḥ |
ubhe sahasvatī bhūtvī sapatnīm me sahāvahai ||

upa te 'dhāṁ sahamānām abhi tvādhāṁ sahīyasā |
mām anu pra te mano vatsaṁ gaur iva dhāvatu pathā vār iva dhāvatu ||