Rig Veda · Chapter 10.135

yasmin vṛkṣe supalāśe devaiḥ sampibate yamaḥ |
atrā no viśpatiḥ pitā purāṇām̐ anu venati ||

purāṇām̐ anuvenantaṁ carantam pāpayāmuyā |
asūyann abhy acākaśaṁ tasmā aspṛhayam punaḥ ||

yaṁ kumāra navaṁ ratham acakram manasākṛṇoḥ |
ekeṣaṁ viśvataḥ prāñcam apaśyann adhi tiṣṭhasi ||

yaṁ kumāra prāvartayo rathaṁ viprebhyas pari |
taṁ sāmānu prāvartata sam ito nāvy āhitam ||

kaḥ kumāram ajanayad rathaṁ ko nir avartayat |
kaḥ svit tad adya no brūyād anudeyī yathābhavat ||

yathābhavad anudeyī tato agram ajāyata |
purastād budhna ātataḥ paścān nirayaṇaṁ kṛtam ||

idaṁ yamasya sādanaṁ devamānaṁ yad ucyate |
iyam asya dhamyate nāḻīr ayaṁ gīrbhiḥ pariṣkṛtaḥ ||